Sreevari quarterly metro festival from tomorrow

రేపటి నుంచి శ్రీవారి త్రైమాసిక మెట్లోత్సవం

Date:13/07/2018
తిరుమల ముచ్చట్లు:
టీటీడీ దాససాహిత్య ప్రాజెక్టు ఆధ్వర్యంలో జులై 14 నుంచి 16 వరకు మూడు రోజుల పాటు శ్రీవారి త్రైమాసిక మెట్లోత్సవం నిర్వహించనున్నారు. ఇందుకు సంబంధించిన ఏర్పాట్లను టీటీడీ పూర్తిచేసింది. ఈ ఉత్సవం కోసం తిరుపతిలోని గోవిందరాజస్వామి మూడో సత్రాన్ని సిద్ధం చేశారు. జులై 14, 15 తేదీల్లో ఆంధ్ర, తమిళనాడు, కర్ణాటక ప్రాంతాలకు చెందిన భజన మండళ్ల సభ్యులు సుప్రభాతం, ధ్యానం, సామూహిక భజన కార్యక్రమాలు, ధార్మిక సందేశాలతోపాటు ఇతర సాంస్కృతిక కార్యక్రమాలను నిర్వహిస్తారు. జులై 14 సాయంత్రం 4 గంటలకు గోవిందరాజస్వామి ఆలయం నుంచి మూడో సత్రం వరకు శోభాయాత్ర నిర్వహిస్తారు. జులై 16 ఉదయం 4.30 గంటలకు అలిపిరి పాదాల మండపం వద్ద మెట్లపూజ నిర్వహిస్తారు. అనంతరం వేల సంఖ్యలో వచ్చే భజన మండళ్ల సభ్యులు సాంప్రదాయ భజనలు చేస్తూ సప్తగిరీశుని చేరుకుంటారు. శ్రీవేంకటాద్రికి సమానమైన పుణ్యక్షేత్రం, శ్రీనివాసుడికి సరితూగే పరదైవం ఈ బ్రహ్మాండంలో లేదని వ్యాసమహర్షి కీర్తించారు. ప్రభాత సమయంలో ఈ కొండను అధిరోహించిన వారికి వేయిసార్లు కాశీ-రామేశ్వర యాత్ర చేసిన ఫలం దక్కుతుందని పురాణాలు తెలియజేస్తున్నాయి. ఈ మెట్ల మార్గంలో ఎందరో మహర్షులు, రాజర్షులు, పురందరదాసులు, వ్యాసరాజయతీశ్వరులు, అన్నమాచార్యులు, శ్రీకృష్ణదేవరాయలు లాంటి మహనీయులు భక్తిప్రపత్తులతో వేంకటాద్రికి చేరుకుని మరింత పవిత్రమయం చేశారు. అలాంటివారి అడుగుజాడలలో నడిచి ఆ దేవదేవుని కృపకు అందరూ పాత్రులు కావాలనే ఉద్దేశంతో ఈ మెట్లోత్సవాన్ని దాస సాహిత్య ప్రాజెక్టు చేపడుతోంది. కాలినడకన వెళ్లి సప్తగిరీశుని దర్శిస్తే సకల అరిష్టాలు తొలగిపోయి సర్వాభీష్టాలు సిద్ధిస్తాయి.
రేపటి నుంచి శ్రీవారి త్రైమాసిక మెట్లోత్సవం https://www.telugumuchatlu.com/sreevari-quarterly-metro-festival-from-tomorrow/
Tags:Sreevari quarterly metro festival from tomorrow

Leave a Reply

Your email address will not be published. Required fields are marked *