వనస్థలిపురంలో స్టోర్ సిబ్బంది నిర్వాకం

– కేటీఆర్ సీరియస్.. కేసు నమోదు

Date:09/04/2020

హైద్రాబాద్ ముచ్చట్లు:

వనస్థలిపురంలోని ఓ సూపర్ మార్కెట్‌లో విదేశీయులనే అనుమానంతో సిబ్బంది వివక్ష చూపించారు. మణిపూర్‌ వాసులైన వీరు నిత్యావసరాల కోసం స్థానికంగా ఉన్న ఓ సూపర్ మార్కెట్‌కు వెళ్లగా భద్రతా సిబ్బంది నుంచి వారికి చేదు అనుభవం ఎదురైంది. బాధితులు దానికి సంబంధించిన వీడియో తీసి కేటీఆర్‌ను ట్యాగ్ చేస్తూ ట్వీట్ చేయడంతో మంత్రి దీనిపై స్పందించారు. ఇలాంటి ధోరణి ఎట్టి పరిస్థితుల్లోనూ ఆమోద యోగ్యం కాదని తేల్చి చెప్పారు. రేసిజాన్ని సహించవద్దని అందరు పోలీసు ఉన్నతాధికారులకు స్పష్టమైన ఆదేశాలివ్వాలని తెలంగాణ డీజీపీకి సూచించారు.

 

 

 

వెంటనే వనస్థలిపురం పోలీసులు వివక్ష చూపించిన నిర్వాహకులపై పోలీసులు కేసు నమోదు చేశారు. ఇద్దరు మణిపూర్ వాసులు విదేశీయులను పోలి ఉండడంతో స్టోర్‌ నిర్వాహకులు లోపలికి అనుమతించలేదు. తాము మణిపూర్ వాసులమంటూ ఆధార్ కార్డు చూపించినా భద్రతా సిబ్బంది పట్టించుకోలేదు. దీంతో మణిపూర్ కు చెందిన జోనా అనే వ్యక్తి ఈ విషయాన్ని మంత్రి కేటీఆర్ దృష్టికి ట్విటర్ ద్వారా తీసుకొచ్చారు. దీనిపై కేటీఆర్ తీవ్రంగా స్పందించారు. రాచకొండ కమిషనర్ మహేశ్ భగవత్ ఇలాంటి ఘటనలను సహించేది లేదని తేల్చి చెప్పారు. ఎవరైనా వివక్ష చూపితే 94906 17234కు ఫిర్యాదు చేయాలని కమిషనర్ మహేశ్ భగవత్ చెప్పారు.

నెల రోజల బిడ్డతో డ్యూటీకి

Tags: Store staff in Vanasthalipuram is vacant

Leave a Reply

Your email address will not be published. Required fields are marked *