గుంటూరు లో తమ్ముళ్ల తన్నులాట

Date:12/07/2019

గుంటూరు ముచ్చట్లు:

ప‌ల్నాటి పౌరుషానికి ప్రతీక అయిన గుంటూరులో టీడీపీ నేత‌ల మ‌ధ్య ప్రచ్ఛన్న యుద్ధం మొద‌లైంది. ఇప్పటికే రాష్ట్రంలో అధికారాన్ని కోల్పోయిన టీడీపీకి ఇది పెద్ద త‌లనొప్పిగా ప‌రిణ‌మించింది. పార్టీలో ఒరికొక‌రు క‌ల‌సి క‌ట్టుగా ముందుకు వెళ్లాల‌ని, ఒక‌రికి ఒక‌రు స‌హ‌క‌రించుకోవాల‌ని పార్టీ అధినేత‌గా చంద్రబాబు ఎప్పటిక‌ప్పుడు సూచిస్తున్నారు. అయితే, వివిధ పార్టీల నుంచి వ‌చ్చిన నాయ‌కులు మాత్రం ఒక‌రిపై ఒక‌రు అంత‌ర్గతంగా క‌ల‌హాలు పెట్టుకుని, ఒక‌రిపై ఒక‌రు దూష‌ణ‌ల ప‌ర్వం కొన‌సాగిస్తూనే ఉన్నారు.

 

 

 

ఈ క్రమంలోనే తాజాగా జ‌రిగిన ఎన్నిక‌ల్లో నేత‌లు ఒక‌రిని ఓడించుకునేందుకు మ‌రొక‌రు చ‌క్రం తిప్పుకొన్నారు. డొక్కా మాణిక్య వరప్రసాద్, గల్లా అరుణ్ కుమారి ల మధ్య వార్ మొదలయింది.ఇలా చేసుకునే పార్టీని రాష్ట్రంలో కేరాఫ్ లేకుండా చేశార‌నే వాద‌న కొన్నాళ్లుగా వినిపిస్తోంది. ఇప్పుడు ఇలాంటి ఘ‌ట‌నే ఒక‌టి గుంటూరులోనూ వెలుగు చూసింది. గుంటూరులో కీల‌క‌మైన రాజ‌కీయ నేత‌లు విభ‌జ‌న నేప‌థ్యంలో కాంగ్రెస్ నుంచి వ‌చ్చి టీడీపీలో చేరిపోయారు. ఇలాంటి వారిలో గ‌ల్లా అరుణ ఫ్యామిలీ స‌హా, డొక్కా మాణిక్య వ‌ర‌ప్రసాద్ ఉన్నారు. వీరిద్దరూ కూడా కాంగ్రెస్ ప్రభుత్వంలో మంత్రులుగా చ‌క్రాలు తిప్పిన వారే. అయిన‌ప్పటికీ.. ఒక‌రంటే ఒక‌రికి గిట్టని ప‌రిస్థితి ఉంది. అదే.. టీడీపీలోనూ కొన‌సాగింది.

 

 

 

టీడీపీలో అంద‌రూ క‌ల‌సి క‌ట్టుగా ముందుకు సాగాల‌ని అధినేత చెప్పిన‌ప్పటికీ.. ఈ ఇద్దరు మాత్రం ప‌ట్టించుకోలేదు.గుంటూరు ఎంపీగా ఉన్న గ‌ల్లా జ‌య‌దేవ్ వ‌ల్ల జిల్లాకు ఏమీ ఒర‌గ‌లేద‌ని డొక్కా మాణిక్య వ‌ర‌ప్రసాద్ త‌న అంత‌ర్గత స‌మావేశాల్లో విమ‌ర్శించారు. వ‌ల‌స నాయ‌కుల వ‌ల్ల పార్టీకి ఒరిగేది ఏమీలేద‌ని గ‌ల్లా అరుణ కూడా అదే రేంజ్‌లో ప‌లుమార్లు కౌంట‌ర్లు ఇచ్చారు. స‌రే! ఎన్నికల స‌మ‌యంలో అయినా.. ఎవ‌రి ప‌నివారు చేసుకుని ఉంటే ఈ గొడ‌వా వ‌చ్చేది కాదు.

 

 

 

 

కానీ, ఎన్నిక‌ల స‌మ‌యంలో నూ పార్టీని మ‌రిచిపోయి.. వ్యక్తిగ‌త విమ‌ర్శల‌కే గ‌ల్లా కుటుంబం ప్రాధాన్యం ఇచ్చింది. ఈ క్రమంలోనే ప్రత్తిపాడు నుంచి పోటీ చేసిన డొక్కా మాణిక్య వ‌ర‌ప్రసాద్‌ను ప‌రోక్షంగా టార్గెట్ చేస్తూ.. అరుణ‌.. ఎన్నిక‌ల ప్రచారం నిర్వహించారు. దీనిలో భాగంగా ఆమె ఎమ్మెల్యే ఓటు ఎవరికైనా వేసుకోండి, ఎంపీకి మాత్రం టీడీపీకే వేయండి అంటూ అభ్యర్థించారని, అందుకే తాను ఓట‌మి పాల‌య్యాన‌ని ఇప్పుడు డొక్కా ర‌గిలి పోతున్నారు.

 

 

 

 

గ‌ల్లా కుటుంబం కుట్రపూరితంగానే త‌న‌పై ఇలా ప్రచారం చేసింద‌ని డొక్కా మాణిక్య వ‌ర‌ప్రసాద్ మండిప‌డుతున్నారు. అంతేకాదు ఈ విషయాన్ని టీడీపీ ఛీఫ్ చంద్రబాబు దృష్టికి కూడా తీసుకెళ్ళారు. అధిష్టానం ఎలాంటి చర్యలు తీసుకోలేదు. కనీసం వివరణ కూడా అడగలేదు. దీంతో మరింత అసంతృప్తితో ఉన్న డొక్కా ఏదో ఒకటి తేల్చుకునేందుకు త‌న అనుచ‌రుల‌తో క‌లిసి బాబును క‌లిసేందుకు రెడీ అవుతున్నారు. అదే స‌మ‌యంలో గ‌ల్లా కుటుంబం కూడా దీనికి కౌంట‌ర్ ఇచ్చేందుకు అస్త్ర శ‌స్త్రాలు సిద్ధం చేసుకుంటోంది. మ‌రి ఏమ‌వుతుందో చూడాలి.

 

 

 

చంద్రబాబు ఈ ఇంట‌ర్నల్ వార్‌కు ఎలా ? చెక్ పెడ‌తారో ? చూడాలి. ఇదిలా ఉంటే గ‌ల్లా అరుణ‌కుమారి 2014 ఎన్నిక‌ల్లో కూడా తెనాలి నియోజ‌క‌వ‌ర్గంలో ఇదే త‌ర‌హా ప్రచారం చేసిన‌ట్టు అప్పట్లో ఆరోప‌ణ‌లు వినిపించాయి. ఇప్పుడు కూడా ఆమెపై మ‌ళ్లీ ప్రత్తిపాడులో అవే ఆరోప‌ణ‌లు వ‌చ్చాయి.

బాలారిష్టాలు దాటని గొల్లపూడి హోల్ సేల్ మార్కెట్ 

 

Tags: In Guntur

గుంటూరులో ఆ ఇద్దరి మంత్రులుకు చుక్కలే

Date:03/10/2018
గుంటూరు ముచ్చట్లు:
ఆశ్చ‌ర్యంగా అనిపించినా ఇది నిజం అంటున్నారు రాజ‌కీయ విశ్ల‌ష‌కులు. సుదీర్ఘ కాలంగా టీడీపీలో ఉన్న‌ప్ప‌టికీ.. వారిపై ప్ర‌జ‌ల‌లో స‌ద‌భిప్రాయం లేద‌ని చెబుతున్నారు. మంత్రులుగా ఉండి కూడా జిల్లాపై ప‌ట్టుసాధించ‌లేక‌పోగా.. నియోజ‌క‌వ‌ర్గాల్లోనూ క‌నీస సౌక‌ర్యాల క‌ల్ప‌న‌కు వారు న‌డుం బిగించ‌లేద‌ని అంటున్నారు. దీంతో ఆ ఇద్ద‌రు మంత్రుల చుట్టూ ఇప్పుడు చ‌ర్చ మొద‌లైంది. వారిద్ద‌రూ వేస్ట్‌! అనే వ్యాఖ్య‌లు కూడా టీడీపీలోనే ఊపందుకోవ‌డం గ‌మ‌నార్హం.
మ‌రి ఆ మంత్రుల క‌థేంటోతెలుసుకుందాం.. మంత్రులు ప్ర‌త్తిపాటి పుల్లారావు, న‌క్కా ఆనంద‌బాబులు రాజ‌ధాని జిల్లా గుంటూరు నుంచి ప్రాతినిధ్యం వ‌హిస్తున్నారు. ప్ర‌త్తిపాటి క‌మ్మ సామాజిక వ‌ర్గానికి చెందిన నేత‌. గుంటూరు జిల్లా చిల‌క‌లూరిపేట రాజ‌కీయాల్లో ఆరితేరారు. పార్టీ అధికారంలో లేని అత్యంత క్లిష్ట‌మైన స‌మ‌యంలోనూ ఆయ‌న దివంగ‌త వైఎస్ హ‌వాను ఎదిరించి ఇక్క‌డ గెలుపు గుర్రం ఎక్కారు.
పార్టీ ప్ర‌తిప‌క్షంలో ఉండి, క‌ష్ట‌కాలంలో ఉన్న‌ప్పుడు ఆయ‌న జిల్లా పార్టీ అధ్య‌క్షుడిగా కూడా ప‌నిచేశారు. ఈ నేప‌థ్యంలోనే చంద్ర‌బాబు ఆయ‌న‌ను 2014లో అధికారంలోకి రాగానే మంత్రిని చేసి గౌర‌వించారు. మ‌రొక మంత్రి న‌క్కా ఆనంద‌బాబు. ఈయ‌న కూడా సుదీర్ఘ కాలంగా రాజ‌కీయాల్లో ఉన్న నాయ‌కుడే. పైగా టీడీపీలోనే ఉండిపోయారు. ఎస్సీ వ‌ర్గానికి చెందిన న‌క్కా ఆనంద‌బాబు.. వేమూరు నియోజ‌క‌వ‌ర్గం నుంచి వ‌రుస విజ‌యాల‌ను న‌మోదు చేస్తున్నారు.
అయితే, 2014లోనే ఈయ‌న‌కు మంత్రి ప‌ద‌వి వ‌స్తుంద‌ని భావించినా.. రావెల కిశోర్ బాబు కార‌ణంగా ఈయ‌న‌కు మంత్రి ప‌ద‌వి మిస్స‌యింది. అయితే, 2017లో జ‌రిగిన మంత్రి వ‌ర్గ విస్త‌ర‌ణ‌లో ఈయ‌న‌కు చంద్ర‌బాబు అవ‌కాశం క‌ల్పించారు. దీంతో జిల్లా రూపు రేఖ‌లు మారిపోతాయ‌ని అనుకున్నారు అంద‌రూ. కానీ, ఈ ఇద్ద‌రు మంత్రుల్లో ప్ర‌త్తిపాటి పూర్తిగా వివాదాస్ప‌దం కావ‌డం గ‌మ‌నార్హం. ఎన్నికలకు మరో ఆరు మాసాలు మాత్రమే సమయం ఉన్న నేపథ్యంలో అభ్యర్థుల ఎంపికలో అన్ని పార్టీలు సుధీర్ఘ కసరత్తులు చేస్తున్నాయి.
ఒకవైపు అధికార పార్టీ సిట్టింగ్‌ ఎమ్మెల్యేల్లో కొందరిని, ఇన్‌ఛార్జులను మార్చాలని భావిస్తూ ఆ మేరకు ప్రయత్నాలు చేస్తోంది. మంత్రి ఆనందబాబు మంత్రిగా ఘోరంగా విఫలమయ్యారని, శాఖలో అవినీతిని కట్టడి చేయలేకపోయారని, అవినీతికి ఆయనే రాచబాట వేశారని విమర్శలు ఎదుర్కొంటున్నారు. శాఖపై పట్టు సాధించ లేకపోయారని, ఎస్సీ, ఎస్టీలకు ఎంతో మేలు చేసే అవకాశం ఉన్నా ఆయన చేతులారా వదిలేసుకున్నారని, ఆయన కంటే గంతలో సాంఘిక సంక్షేమశాఖ మంత్రిగా పనిచేసిన రావెల నయమనే మాట సచివాలయ వర్గాల నుంచి వ్యక్తం అవుతోంది.
రెండు సార్లు ఎమ్మెల్యేగా గెలిచిన ఆనంద్‌బాబుకు మంత్రిగా అవ‌కాశం ఇస్తే.. ఇలాగేనా ప‌నిచేసేది అనే కామెంట్లు వినిపిస్తుండ‌డం గ‌మ‌నార్హం.ఇక‌, ప్ర‌త్తిపాటి కూడా ఇదే విధంగా అప‌ఖ్యాతి కూడ‌గ‌ట్టుకుంటున్నారు. ఆయ‌న ఫ్యామిలీ ఎక్కువ‌గా జోక్యం చేసుకుంటున్నా.. ఆయ‌న నిలువ‌రించ‌లేక‌పోతున్నారు. గ‌తంలో ఉన్న శాఖ‌ను మార్చినా.. దీనికి కార‌ణాన్ని ఇప్ప‌టికీ గుర్తించ‌కుండానే ప్ర‌త్తిపాటి రాజ‌కీయాలు చేస్తుండ‌డంతో ఆయ‌న‌పైనా తీవ్ర వ్య‌తిరేక‌త వ్య‌క్త‌మ‌వుతోంది.
దీంతో ఈ ఇద్ద‌రు ఉండి కూడా జిల్లాకు ఒర‌గ‌బెట్టింది ఏమిట‌నే వ్యాఖ్య‌లు జోరుగా వినిపిస్తున్నాయి. ఇక వీరు ప్రాతినిధ్యం వ‌హిస్తోన్న నియోజ‌క‌వ‌ర్గాల్లోనూ వీరు ప్ర‌త్య‌ర్థుల దెబ్బ‌కు విల‌విల్లాడుతోన్నారు.వేమూరులో మంత్రి ఆనంద్‌బాబుపై వ‌రుస‌గా రెండుసార్లు ఓడిపోయిన మేరుగ నాగార్జున‌ను ఈ సారి గెలిపిస్తే ఎలా ఉంటుందా ? అన్న యోచ‌న‌తో నియోజ‌క‌వ‌ర్గ ప్ర‌జ‌లు ఉన్న‌ట్టే అక్క‌డ వాతావ‌ర‌ణం చెపుతోంది.
నాగార్జున‌కు సానుభూతి ప‌వ‌నాలు బ‌లంగా ఉన్నాయి. ఇక చిల‌క‌లూరిపేట‌లో తన ద్వారా రాజ‌కీయాల్లోకి వ‌చ్చిన విడ‌ద‌ల ర‌జ‌నీ ఇప్పుడు ఆయ‌న‌కు ఏకు మేకుగా మారి వైసీపీ నుంచి ఆయ‌న‌పై పోటీ చేస్తున్నారు. ర‌జ‌నీ జోరుతో పుల్లారావు తీవ్ర ఒత్తిడితో ఉన్న‌ట్టే పేట వాతావ‌ర‌ణం చెపుతోంది. ఏదేమైనా కీల‌క‌మైన గుంటూరు జిల్లాలో ఇద్ద‌రు మంత్రులు శాఖ‌ల్లోనూ, నియోజ‌క‌వ‌ర్గాల్లోనూ వెన‌క‌ప‌డిన‌ట్టే అక్క‌డ పొలిటిక‌ల్ వాతావ‌ర‌ణం చెపుతోంది.
Tags:In Guntur, both the ministers drew