ప్రజాసేవకు… విశ్వసనీయతకే పట్టం

– పెద్దిరెడ్డికి ఎనలేని ఆదరణ

Date:28/05/2019

పుంగనూరు ముచ్చట్లు:

రాష్ట్రంలో వైఎస్‌.జగన్‌ మోహన్‌రెడ్డిని ముఖ్యమంత్రిగా చేయాలని ప్రతి ఒక్కరు కంకణబద్దులై వైఎస్సార్సీపికి ఓట్ల వర్షం కురిపించారు. వైఎస్సార్సీపి అన్ని వర్గాలను అభివృద్ధి చేసేందుకు ప్రకటించిన నవరత్నాలు ప్రజలకు చేరువైంది. వైఎస్సార్సీపి మ్యానిఫెస్టోపై ప్రజలు ఎన్నికలకు ముందే నిర్ణయం తీసుకున్నారు. అలాగే పుంగనూరు నియోజకవర్గంలో ఆహర్నిశలు ప్రజాసేవలో ఉన్న ఎమ్మెల్యే డాక్టర్‌ పెద్దిరెడ్డి రామచంద్రారెడ్డి , రాజంపేట ఎంపి పెద్దిరెడ్డి మిధున్‌రెడ్డిల నిస్వార్థకు సేవకు ప్రజలు పట్టంకట్టి, పెద్దిరెడ్డి కుటుంబపై ఎనలేని ఆదరణ చూపారు. తెలుగుదేశం, జనసేన అభ్యర్థుల కల్లబొల్లి మాటలకు , దూకుడుకు కళ్లెం వేసి, నామరూపాలు లేకుండ చేసి పుంగనూరు ప్రజల తడఖా చూపారు.

కక్షసాదిస్తే కసితీర్చారు….

పుంగనూరు నియోజకవర్గంపై మాజీ ముఖ్యమంత్రులు కిరణ్‌కుమార్‌రెడ్డి, చంద్రబాబునాయుడు కక్షసాదించారు. పుంగనూరులో అన్నిరకాల అభివృద్ధి కార్యక్రమాలను అడ్డుకున్నారు. ఈ విషయమై పది సంవత్సరాలుగా ప్రజలు రగిలిపోయారు. సమయం కోసం ఎదురుచూసి రాజకీయ ప్రక్షాళన చేసి కసి తీర్చుకున్నారు. వైఎస్సార్సీపికి తిరుగులేని మెజార్టీని ఇచ్చి, వైఎస్సార్సీపి ప్రభుత్వాన్ని ఏర్పాటు చేశారు.

The public service ... is the trustworthiness
The public service … is the trustworthiness

– కొండవీటి నాగభూషణం , మాజీ మున్సిపల్‌ చైర్మన్‌ , పుంగనూరు

బాబుకు గుణపాఠం …

ఐదేళ్ల కాలంలో స్వార్థం కోసం మాయమాటలతో ప్రజలను మోసగించిన చంద్రబాబుకు గుణపాఠం నేర్పారు. వైఎస్‌.జగన్‌మోహన్‌రెడ్డిపై నమ్మకంతో ఆయనకు బ్రహ్మరథం పట్టారు. నవరత్నాలను స్వాగతించారు. తెలుగుదేశం అవినీతి అక్రమాలకు విసిగిపోయిన జనం చంద్రబాబును గంగలో కలిపేశారు.

– ఫకృద్ధిన్‌షరీఫ్‌, మున్సిపల్‌ కార్మిక సంఘాల అధ్యక్షుడు , పుంగనూరు

జగన్‌పాలన పారదర్శకం….

రాష్ట్ర నూతన ముఖ్యమంత్రిగా వైఎస్‌.జగన్‌మోహన్‌రెడ్డి పరిపాలన పారదర్శకంగా ఉంటుంది. నవరత్నాలతో అన్ని వర్గాల ప్రజలకు లబ్ధిచేకూరుతుంది. ఎలాంటి అవినీతి అక్రమాలకు తావు లేకుండ పరిపాలన జరుగుతుంది. ముఖ్యంగా 108 , ఆరోగ్యశ్రీ , ఫీజు రియంబర్స్మెంట్‌ , వైఎస్‌ఆర్‌ బరోసా కార్యక్రమాల అమలుపై ప్రజలు ఎదురుచూస్తున్నారు.

– కెఎస్‌ఏ.ఇఫ్తికార్‌, వ్యాపారి, పుంగనూరు

అవినీతిపై యుద్ధం….

రాష్ట్రంలో అవినీతిలో అగ్రస్థానంలో ఉన్న తెలుగుదేశం పార్టీతో వైఎస్సార్సీపి విశ్వసనీయత, నిజాయితీ విలువలు కలిగి యుద్ధం చేసింది. ఈ బేరిలో వైఎస్సార్సీపి అధినేత జగన్‌మోహన్‌రెడ్డిని ప్రజలు సంపూర్ణంగా నమ్మి , తిరుగులేని మెజార్టీని ఇచ్చారు. ముఖ్యమంత్రిగా జగన్‌మోహన్‌రెడ్డి అన్ని వర్గాలను ఆదుకుని, తిరుగులేని నాయకుడౌతారు.

– అమ్ము, అంజుమన్‌ కమిటి సెక్రటరీ, పుంగనూరు

ఇంతటి ప్రజాభిమానం….

రాష్ట్రంలో వైఎస్‌.జగన్‌మోహన్‌రెడ్డికి లభించిన ప్రజాదరణ చరిత్రలో ఎవరికి లభించలేదు. దివంగత ముఖ్యమంత్రి రాజశేఖర్‌రెడ్డి పరిపాలన తిరిగి తీసుకొచ్చేందుకు జగన్‌మోహన్‌రెడ్డి చేస్తున్న పాదయాత్రలను ప్రజలు స్వాగతించారు. ర్ఖా•భివృద్ధి జగన్‌తోనే సాధ్యమని , చరిత్రను సృష్టించి 152 మంది ఎమ్మెల్యేలను , 22 మంది ఎంపిలను గెలిపించారు.

– సికె.శ్రీనివాసులు, వ్యాపారి, పుంగనూరు

ఎస్సీ, ఎస్టీలకు అగ్రస్థానం….

వైఎస్‌.జగన్‌మోహన్‌రెడ్డి పరిపాలనలో నవరత్నాల ద్వారా ఎస్సీ, ఎస్టీ , బీసీ , మైనార్టీలకు అగ్రస్థానం లభిస్తుంది. ప్రతి పేద కుటుంబానికి ప్రత్యేకమైన లబ్ధిచేకూరుతుంది. ఇలాంటి మహాత్తర కార్యక్రమాలను రూపొందించిన వైఎస్సార్సీపికి ప్రజలు బ్రహ్మరథం పట్టి, రాష్ట్ర ప్రజల తీర్పు ఎలాంటిదో చూపారు.

– రెడ్డిశేఖర్‌, కౌన్సిలర్‌ , పుంగనూరు

 

కార్మికుల సమస్యల కోసమే సీఐటియు ఆవిర్భావం

Tags: The public service … is the trustworthiness