శివసేన, బీజేపీ మధ్య మాటలు

ముంబై  ముచ్చట్లు:
శివసేన తమకు శత్రువు కాదంటూ బీజేపీ నేత, మహారాష్ట్ర ముఖ్యమంత్రి దేవేందర్ ఫడ్నవీస్ చేసిన వ్యాఖ్యలపై రాజ్యసభ సభ్యుడు సంజయ్ రౌత్ స్పందించారు. శివసేన-బీజేపీ సంబంధాలను ఇటీవల విడిపోతున్నట్టు ప్రకటించిన బాలీవుడ్ నటుడు అమీర్‌ఖాన్, అతని భార్య కిరణ్‌ రావులతో శివసేన ఎంపీ పోల్చారు. శివసేన- బీజేపీల మధ్య సంబంధం అమీర్-కిరణ్ రావులాంటిదేనని వ్యాఖ్యానించారు.భారత్, పాకిస్థాన్‌లు కాదు. అమీర్ ఖాన్, కిరణ్ రావులను చూడండి. మా సంబంధం అలాంటిదే. ఎవరి రాజకీయ మార్గాలు వారివి. కానీ మిత్రత్వం ఎప్పటిలాగే ఉంటుంది’’ అని రౌత్ స్పష్టం చేశారు. మహారాష్ట్ర సంకీర్ణ సర్కార్‌లో విభేదాలు చోటుచేసుకున్నాయని, శివసేనకు బీజేపీ దగ్గరవుతోందని ఊహాగానాలు బలంగా వినిపిస్తున్న నేపథ్యంలో రౌత్ తాజా వ్యాఖ్యలు చేశారు.అయితే, తమ రెండు పార్టీల మధ్య పొత్తుకు అవకాశాలు లేవని బీజేపీ స్పష్టం చేసింది. ఫడ్నవిస్ వ్యాఖ్యలపై మహారాష్ట్ర బీజేపీ అధ్యక్షుడు చంద్రకాంట్ పాటిల్ వివరణ ఇచ్చారు. బీజేపీ-సేన శత్రువులు కాదని ఫడ్నవిస్ చేసిన వ్యాఖ్యలు 100 శాతం నిజమేనన్నారు. అయితే దీని అర్ధం రెండు పార్టీలు చేతులు కలిపి ప్రభుత్వాన్ని ఏర్పాటు చేస్తాయని మాత్రం కాదని వివరణ ఇచ్చారు.ఇదిలా ఉండగా, కేంద్ర క్యాబినెట్ విస్తరణలో జాప్యానికి మహారాష్ట్రలో శివసేన, బీజేపీ దగ్గరవుతుండటమేననే ప్రచారం జరుగుతోంది. శివసేన-బీజేపీ ప్రభుత్వం ఏర్పడుతుందని, ఉద్ధవ్ ఠాక్రే ముఖ్యమంత్రిగా కొనసాగుతారని మీడియాలో ప్రచారం జోరుగా సాగుతోంది. ఫడ్నవీస్‌కు కేంద్ర క్యాబినెట్‌లో చోటు, మహారాష్ట్రలో రెండు డిప్యూటీ సీఎం పదవులు బీజేపీ దక్కుతాయని పలు మీడియాలు ఊదరగొడుతున్నాయి.అయితే, ఈ ప్రచారాన్ని బీజేపీ వర్గాలు ఖండించాయి. కేంద్ర క్యాబినెట్ విస్తరణలో జాప్యానికి, మహారాష్ట్రలో పరిణమాలతో ఎటువంటి సంబంధం లేదని స్పష్టం చేశాయి. సీఎం పదవి విషయంలో ఎటువంటి రాజీ ఉండబోదని పేర్కొన్నాయి. తమ కంటే తక్కువ సీట్లు వచ్చిన శివసేనకు ముఖ్యమంత్రి పీఠం ఎలా వదిలేస్తామని వాదిస్తున్నాయి. దేవేందర్ ఫడ్నవీస్ కూడా ఈ ప్రచారాన్ని ఖండించారు.బీజేపీలో కేవలం ప్రధాని మాత్రమే తుది నిర్ణయం తీసుకుంటారు.. ఆయన ఏం నిర్ణయించినా ప్రతి ఒక్కళ్లూ అంగీకరిస్తారు.. మహారాష్ట్రలో ప్రతిపక్ష నేత పాత్రను పార్టీ నాకు కట్టబెట్టింది.. దీనిని నేను సమర్ధవంతంగా నిర్వహిస్తాను.. నేను ఢిల్లీకి వెళ్లాల్సిన అవసరం ఉందని అనుకోను.. ఏదైనా పార్టీ నిర్ణయిస్తుంది’ అన్నారురాజకీయాల్లో… అయితే, కానీ వంటి పదాలు ఉండవని, పరిస్థితులను బట్టే నిర్ణయాలు ఉంటాయి.. విభేదాలున్నంత మాత్రాన తామేమీ శత్రువులం కాదు… తమతో (బీజేపీ) కలిసే శివసేన పోటీ చేసింది.. ఎన్నికల ఫలితాల అనంతరం ఎన్‌సీపీ, కాంగ్రెస్‌తో చేతులు కలిపింది’’ అని పేర్కొన్నారు.

 

పుంగనూరులో పనిచేస్తున్న మాదవరాజుకు తహశీల్ధార్‌గా పదోన్నతి

Tags:Talks between Shiv Sena and BJP

Leave a Reply

Your email address will not be published. Required fields are marked *