టాటాకే పార్లమెంట్ నిర్మాణం…

Date:17/09/2020

న్యూఢిల్లీ   ముచ్చట్లు:

ప్రస్తుత పార్లమెంట్ భవనం స్థానంలో నిర్మించే కొత్త భవనం కాంట్రాక్టు టాటా ప్రాజెక్ట్స్‌కు దక్కింది. బిడ్డింగ్‌లో రూ.861.90 కోట్లకు ఆ సంస్ధ దక్కించుకుంది. ఈ కాంట్రాక్టు కోసం మొత్తం ఏడు సంస్థలు
పోటీపడ్డాయి. మొత్తం రూ.899 కోట్ల విలువైన ఈ ప్రాజెక్టకు టాటా గ్రూప్‌ రూ.861.90 కోట్లు, లార్సన్‌ అండ్‌ టుబ్రో రూ.865 కోట్లకు బిడ్ దాఖలు చేశాయి. దీంతో తక్కువ ధరకు కోడ్ చేసిన టాటా
ప్రాజెక్ట్స్‌ లిమిటెడ్‌కు ఈ కాంట్రాక్టు దక్కినట్లు కేంద్ర ప్రజా పనుల విభాగం బుధవారం తెలిపింది. సెంట్రల్‌ విస్టా రీడెవలెప్‌మెంట్‌ ప్రాజెక్టులో భాగంగా కొత్త పార్లమెంటు భవన నిర్మాణాన్ని కేంద్రం
చేపట్టింది.ఈ నిర్మాణాన్ని 21 నెలల్లో పూర్తి చేసి, 2022లో 75వ స్వాతంత్య్ర దినోత్సవ వేడుకలకు ముందే ప్రారంభించాలని కేంద్రం భావిస్తోంది. కోవిడ్ కారణంగా ఈ ప్రాజెక్టు ఆరు నెలల వెనక్కి వెళ్లింది.
కొత్త పార్లమెంటు త్రికోణాకారంలో నిర్మించనున్నారు. ప్రస్తుత పార్లమెంటుకు సమీపంలోని 118వ ప్లాటులో ఈ నిర్మాణం జరగనుంది. పార్లమెంట్ నియోజకవర్గాల పునర్విభజన జరిగితే సభ్యుల సంఖ్య
పెరుగుతుందని, దీన్ని దృష్టిలో ఉంచుకొని భవనం నిర్మించనున్నట్టు అధికారులు వెల్లడించారుప్రస్తుత పార్లమెంట్ భవనం బ్రిటిషన్ కాలంనాటిదని, భవిష్యత్తు అవసరాలకు సరిపడదని వివరించారు.
దాదాపు 1,400 ఎంపీలు సౌకర్యవంతంగా కూర్చునేందుకు వీలుగా కొత్త పార్లమెంట్‌ ఉంటుందని కేంద్ర ప్రజా పనుల విభాగం అధికారులు పేర్కొన్నారు. మొత్తం 65,000 చదరపు మీటర్ల విస్తీర్ణంతో
గ్రౌండ్‌, రెండు ఫ్లోరులు ఉంటాయి. బేస్‌మెంట్‌ ఏరియా కూడా ఉంటుంది.భారత ప్రభుత్వ అధికార చిహ్నాలుగా వెలుగుతున్న నార్త్‌,సౌత్‌ బ్లాక్‌లు మ్యూజియాలుగా మారే అవకాశాలు ఉన్నాయి. సెంట్రల్‌
విస్టా ప్రాజెక్టులో భాగంగా భారీస్థాయిలో పార్లమెంట్ సెక్రటేరియట్ నిర్మించనున్నారు. దీని కోసం శాస్త్రిభవన్‌, విజ్ఞాన్‌ భవన్‌, ఉద్యోగ్‌ భవన్‌, ఉపరాష్ట్రపతి నివాసంతో సహా చాలా భవనాలను
కూల్చనున్నారు. ఢిల్లీ వ్యాప్తంగా కేంద్ర కార్యాలయాలకు అద్దెల రూపంలో ఏడాదికి రూ.1000 కోట్లు ఖర్చుచేస్తున్నారు. ఈ నిర్మాణం పూర్తయితే ఆ సొమ్ము ఆదా అవుతుందని అధికారులు
భావిస్తున్నారు.

 

 

 బ్యాంకింగ్ రెగ్యులేషన్ బిల్లుతో సహకార బ్యాంకులు నిర్వీర్యం

Tags:Tatake Parliament Structure …

Leave a Reply

Your email address will not be published. Required fields are marked *