Pics on the father's path

మద్యం ధరలు అందుకే పెంచాం

Date:05/05/2020

విజయవాడ ముచ్చట్లు:

మద్యపాన నియంత్రణలో భాగంగా మద్యపానాన్ని నిరుత్సాహపరచడానికి లిక్కర్‌ ధరలను భారీగా పెంచినట్లు చెప్పారు. వైఎస్సార్‌సీపీ సర్కార్ అధికారంలోకి వచ్చిన తర్వాత 43 వేల బెల్టు షాపులను రద్దు చేశామన్నారు. ఏపీమద్యం అమ్మకాలు, ధరల పెంపుపై విమర్శలు వస్తున్న వేళ ఏపీ ముఖ్యమంత్రి జగన్ స్పందించారు. ధరల పెంపుపై ఆసక్తికర వ్యాఖ్యలు చేశారు. మంగళవారం కలెక్టర్లు, ఎస్పీలతో వీడియో కాన్ఫరెన్స్ నిర్వహించిన సీఎం.. దశల వారీ మద్యపాన నిషేధానికి తమ ప్రభుత్వం కట్టుబడి ఉందన్నారు. మద్యపాన నియంత్రణలో భాగంగా మద్యపానాన్ని నిరుత్సాహపరచడానికి లిక్కర్‌ ధరలను భారీగా పెంచినట్లు చెప్పారు. మద్యపానాన్ని నిరుత్సాహపరచడానికి 75 శాతం పెంచాలి.. ఏపీలో 25 శాతం పెంచి తగ్గించాలనుకుంటే.. ఢిల్లీలో 70 శాతం పెంచారని గుర్తు చేశారు. అందుకే 75 శాతం పెంచి.. గట్టి చర్య తీసుకున్నామన్నారు.

 

 

మద్యం దుకాణాల సంఖ్యను మరో 13 శాతం తగ్గించాలని నిర్ణయం తీసుకున్నామన్నారు. లిక్కర్‌కు సంబంధించి దేశవ్యాప్తంగా, రాష్ట్రవ్యాప్తంగా ఎలా జరుగుతుందో అన్న విషయాన్నిన్ని టీవీఛానళ్లు, పేపర్లు చూపిస్తున్నాయన్నారు. ప్రతి షాపు దగ్గర ఇంతకుముందు ప్రైవేటు రూమ్స్‌ పెట్టారని.. దీన్ని రద్దుచేశామని గుర్తు చేశారు. వైఎస్సార్‌సీపీ సర్కార్ అధికారంలోకి వచ్చిన తర్వాత 43 వేల బెల్టు షాపులను రద్దు చేశామన్నారు. గ్రామాల్లో బెల్టు షాపులు శాశ్వతంగా లేకుండా చేయాలంటే.. లాభాపేక్ష లేనప్పుడే జరుగుతుంది అన్నారు. అందుకే ప్రైవేట్ వారికి కాకుండా ప్రభుత్వమే మద్యం దుకాణాలను నిర్వహిస్తుందని వ్యాఖ్యానించారు.మద్యపాన నియంత్రణలో భాగంగా మద్యం విక్రయించే వేళలలను ఉదయం 11 గంటల నుంచి రాత్రి 8 గంటవరకూ పరిమితం చేశామన్నారు సీఎం. అందుకే ఈ 75 శాతం పెంపు నిర్ణయం కూడా తీసుకున్నామని.

 

 

షాక్‌ కొట్టించే రేట్లు ఉండాలని నిర్ణయం తీసుకున్నామన్నారు. అలాగే పక్క రాష్ట్రాల నుంచి అక్రమ మద్యం రవాణా, అలాగే రాష్ట్రంలో నకిలీ మద్యం తయారీని కూడా అడ్డుకోవాల్సి ఉంటుందన్నారు. ఈ రెండింటి బాధ్యత ఎస్పీల మీద ఉంటుందని.. దీనికోసం ప్రత్యేక పోలీసు అధికారిని నియమించామన్నారు. లిక్కర్, ఇసుక మీద కలెక్టర్లు, ఎస్పీలు గట్టి ధ్యాస పెట్టాలన్నారు. కేవలం ఎక్సైజ్‌ సిబ్బంది మాత్రమే పూర్తిగా నియంత్రించలేరని.. పోలీసులు భాగస్వామ్యం కావాలన్నారు. అక్రమ మద్యం రవాణా, మద్యం తయారీ, ఇసుక అక్రమాలు ఎట్టి పరిస్థితులోనూ ఉండకూడదన్నారు. ఇసుక మాఫియా ఎట్టి పరిస్థితుల్లోనూ ఉండకూడదని.. ఈ అంశాలను దగ్గరుండి తానే స్వయంగా పర్యవేక్షిస్తాను అన్నారు.

స్వదేశాలకు భారతీయులు

Tags: That is why alcohol prices have been raised

Leave a Reply

Your email address will not be published. Required fields are marked *