పనిమనిషిపై కన్నేసిన యజమాని.. 

Date:25/09/2020

హైద్రాబాద్ ముచ్చట్లు:

ఇంటి పనిమనిషిపై కన్నేశాడో ప్రబుద్ధుడు. ఆమెపై లైంగిక వేధింపులకు పాల్పడ్డాడు. యజమాని వేధింపులు భరించలేకపోయిన పనిమనిషి ప్రాణాలు తీసుకుంది.రంగారెడ్డి జిల్లా మొయినాబాద్‌లో
దారుణం చోటుచేసుకుంది. ఇంటి యజమాని వేధింపులు భరించలేక ఒక యువతి ఆత్మహత్య చేసుకుంది. మండల పరిధిలోని హిమాయత్ నగర్ గ్రామానికి చెందిన మధు యాదవ్ ఇంట్లో
సాదియా(పేరుమార్చాం) పనిచేస్తోంది. ఆమెతో పాటు తన చెల్లెలితో కలసి ఇద్దరూ అక్కడే నివాసం ఉంటున్నారు. సాదియాపై కన్నేసిన యజమాని మధు యాదవ్ కోరిక తీర్చాలంటూ లైంగిక
వేధింపులకు గురిచేస్తున్నట్లు తెలుస్తోంది.రెండు రోజులుగా వేధింపులు ఎక్కువవడంతో సాదియా తీవ్ర మనస్థాపానికి గురైంది. ఈ రోజు ఉదయం ఆత్మహత్య చేసుకుంది. యజమాని వేధింపులు
భరించలేక బలవన్మరణానికి పాల్పడింది. సమాచారం అందుకున్న మొయినాబాద్ పోలీసులు సంఘటన స్థలానికి చేరుకుని మృత దేహాన్ని పోస్టుమార్టం నిమిత్తం ఉస్మానియా హాస్పిటల్‌కి
తరలించారు. సాదియా మరణంతో ఆమె కుటుంబ సభ్యులు, బంధువులు ఆందోళన చేపట్టారు. యజమాని వేధింపుల కారణంగానే ఆమె ఆత్మహత్య చేసుకుందని.. తమకు న్యాయం చేయాలంటూ
మొయినాబాద్ పోలీస్ స్టేషన్ ఎదుట ఆందోళన చేశారు. తమకు సమాచారం ఇవ్వకుండా మృతదేహాన్ని ఎలా తీసుకెళ్లారని హిమాయత్ నగర్ సర్పంచ్ సైతం పోలీసులను నిలదీశారు.

 

 హైద్రాబాద్ లో మరో అమృతరావు

Tags:The boss looking for a maid ..

Leave a Reply

Your email address will not be published. Required fields are marked *