ప్రత్యేక హోదా కోసం రాష్ట్రపతికి వినతి పత్రం

 Date:12/02/2019
న్యూఢిల్లీ ముచ్చట్లు
ప్రత్యేక హోదా సహా విభజన చట్టంలోని పేర్కొన్న అంశాలను అమలు చేయాలని కోరుతూ ఏపీ సీఎం చంద్రబాబునాయుడు ఢిల్లీలో ధర్మపోరాట దీక్షను నిర్వహించిన విషయం తెలిసిందే. ఈ నేపథ్యంలో రాష్ట్రపతి కలిసి వినతి పత్రం అందజేయనున్నారు. దీంతో రాష్ట్రపతి రామ్‌నాథ్‌ కోవింద్‌ను కలిసేందుకు ఆయన పాదయాత్రగా బయల్దేర్దారు. ఏపీ భవన్‌ నుంచి రాష్ట్రపతి భవన్‌ వరకు ఈ పాదయాత్ర కొనసాగనుంది. ఈ పాదయాత్రలో రాష్ట్ర మంత్రులు, శాసనసభ్యులు, ఎమ్మెల్సీలు, వివిధ ప్రజాసంఘాలు, ఉద్యోగ సంఘాల నాయకులు పాల్గొన్నారు. రాష్ట్రపతిని కలిసే బృందంలో ముఖ్యమంత్రితో పాటు కేంద్ర మాజీ మంత్రి అశోక్‌గజపతి రాజు, ఉప ముఖ్యమంత్రి చినరాజప్ప, మంత్రులు- కళా వెంకట్రావు, నక్కా ఆనంద్‌బాబు, అమరావతి ఉద్యోగుల ఐకాస ఛైర్మన్‌ బొప్పరాజు వెంకటేశ్వర్లు, ఆంధ్ర మేధావుల ఫోరం ఛైర్మన్‌ చలసాని శ్రీనివాసరావు, ఆంధ్రప్రదేశ్‌ సచివాలయ ఐకాస అధ్యక్షుడు మురళీకృష్ణ, ఏపీయూడబ్ల్యూజే అధ్యక్షుడు ఐవీ సుబ్బారావు, ఏపీ ఏన్జీవోల సంఘం అధ్యక్షుడు చంద్రశేఖర్‌రెడ్డి, ఆంధ్రప్రదేశ్‌ సినీ పరిశ్రమ ప్రతినిధి శివాజీ కూడా ఉన్నారు. పాదయాత్రగా బయలుదేరిన చంద్రబాబు మీడియాతో మాట్లాడుతూ.. హైదరాబాద్‌లో ఉండి మొత్తం కష్టాన్ని వదిలిపెట్టి కొత్త జీవితాన్ని ప్రారంభించాం.. అందరం తెలివిగా కష్టపడి, వినూత్నంగా పనిచేసినా, కేంద్రం సహకరిస్తే మిగతా రాష్ట్రాల స్థాయి వెళ్లాలంటే కనీసం 20 నుంచి 30 ఏళ్లు పడుతుంది. వాళ్లు ఇంకా బాగా చేసే వారిని అందుకోవడం కష్టం. అలాంటి పరిస్థితుల్లోనూ కేంద్రం ఎంతో బాధ్యతారాహిత్యంగా, దుర్మార్గంతో ప్రవర్తించింది. మన జీవితాలతో ఆడుకుంటున్నారు. దీనికి నిరసనగా ఢిల్లీ వీధుల్లో పాదయాత్ర చేపట్టాం.. దీన్ని కేంద్రం పరిగణనలోకి తీసుకోకపోతే పరిణామాలు తీవ్రంగా ఉంటాయని చంద్రబాబు హెచ్చరించారు. అంతకు ముందు టీడీపీ నాయకులతో టెలికాన్ఫరెన్స్‌ నిర్వహించిన చంద్రబాబు.. ప్రధాని మోసాన్ని, బీజేపీని ఎండగట్టడంలో దీక్ష ద్వారా విజయవంతమయ్యామని వివరించారు. అయితే ఇంతటితో అయిపోలేదని, ఈ పోరాటాన్ని ఆపకుండా నేరుగా ప్రజల్లోకి వెళ్లి పోరాడాలని పిలుపునిచ్చారు. రాష్ట్రంలో బీజేపీ చచ్చిన పాముతో సమానమని, దాన్ని ఇంకా కొట్టి లాభం లేదన్నారు. ప్రధాని మోదీకి మనం గౌరవం ఇవ్వడం లేదని వైసీపీ నేతలు మాట్లాడడంతోనే బీజేపీతో వారి బంధం బయటపడిందని చెప్పారు. రాష్ట్ర భవిష్యత్తును తాకట్టుపెడుతున్న జగన్‌ తీరును ప్రజాక్షేత్రంలో ఎండగట్టాలని సూచించారు. బురద పాములాంటి వైసీపీ, బీజేపీతో కలిసి కుట్రలు పన్నుతోందని, దీన్ని ప్రజలకు వివరించాలని తెలిపారు.
Tags:The President’s request for special status

Leave a Reply

Your email address will not be published. Required fields are marked *