గుజరాత్‌లో ఘోర రోడ్డు ప్రమాదం

The road accident in Gujarat

The road accident in Gujarat

Date:31/12/2018
గాంధీనగర్ ముచ్చట్లు:
గుజరాత్‌లో ఘోర రోడ్డు ప్రమాదం సంభవించింది. ఈ ప్రమాదంలో ఒకే కుటుంబానికి చెందిన 10 మంది దుర్మరణం చెందారు. కచ్ జిల్లాలోని భచువ్ జాతీయ రహదారిపై ఈ ప్రమాదం చోటుచేసుకుంది. ఉప్పు లోడుతో వెళుతున్న లారీ అదుపుతప్పి, డివైడర్‌ను దాటి అవతలి వైపునకు వెళ్లి ఎస్యూవీని ఢీకొట్టగా, అదే సమయంలో అటువైపుగా వస్తున్న మరో ట్రక్కు కూడా దీన్ని ఢీకొంది. దీంతో ఎస్యూవీలో ఉన్న 10 మంది మృతిచెందారు. బాధితులు భచువ్ నుంచి భుజ్‌లోని తమ స్వగ్రామానికి వెళుతుండగా ప్రమాదం జరిగింది. ప్రమాద సమయానికి వాహనంలో 11 మంది ఉన్నట్టు పోలీసులు తెలిపారు. ఎస్య్యూవీని రెండు వైపులా ట్రక్కులు ఢీకొనడంతో అది నుజ్జునుజ్జు అయ్యింది. వాహనంలో మృతిదేహాలు ఇరుక్కుపోయాయి. లోపలి నుంచి వాటిని అతికష్టం మీద పోలీసులు బయటకు తీశారు. ప్రమాదం జరిగిన వెంటనే సమాచారం అందుకున్న పోలీసులు ఘటనా స్థలికి చేరుకుని సహాయక చర్యలు ముమ్మరం చేశారు. క్రేన్ సాయంతో ట్రక్కులను వెనక్కులాగి వీటి మధ్య చిక్కున్న కారును వేరుచేశారు. ఇదే ప్రమాదంలో ట్రక్కులోని వారికి కూడా గాయాలయ్యాయి. క్షతగాత్రులను వైద్యం కోసం భుజ్, భచువ్‌లోని హాస్పిటల్స్‌కు తరలించినట్టు కచ్ తూర్పు విభాగం ఎస్పీ పరీక్షిత్ రాథోడ్ వెల్లడించారు. గాయపడిన వారిలో కొందరి పరిస్థితి విషమంగా ఉన్నట్టు వైద్యులు వెల్లడించారు. ప్రమాదం కారణంగా జాతీయ రహదారిపై ట్రాఫిక్ కిలోమీటర్ల మేర స్తంభించిపోయింది. మూడు గంటలపాటు వాహనాలు నిలిచిపోయాయి. ఈ ప్రమాదం గురించి తెలుసుకున్న ముఖ్యమంత్రి విజయ్ రూపానీ దిగ్భ్రాంత్రి వ్యక్తం చేశారు. మృతుల కుటుంబాలను ఆదుకుంటామని, ఈ ఘటన దురదృష్టకరమని ఆయన వ్యాఖ్యానించారు.
Tags:The road accident in Gujarat

Leave a Reply

Your email address will not be published. Required fields are marked *