తెలంగాణలో 3 జిల్లాల్లే రెడ్ జోన్లు

Date:09/05/2020

హైద్రాబాద్ ముచ్చట్లు:

తెలంగాణలో మరో 14 జిల్లాలు గ్రీన్ జోన్‌లోకి మారనున్నాయి. ఆరెంజ్ జోన్లో ఉన్న ఈ జిల్లాల్లో గత 14 రోజుల్లో ఒక్క కరోనా పాజిటివ్ కేసు కూడా నమోదు కాలేదు. ఇక రెడ్ జోన్‌లోనూ 3 జిల్లాలు మాత్రమే ఉండనున్నాయి.తెలంగాణలో దాదాపు 80 శాతం జిల్లాలు గ్రీన్ జోన్‌లోకి వెళ్తాయని ఆరోగ్య శాఖ మంత్రి ఈటల రాజేందర్ తెలిపారు. ప్రస్తుతం రాష్ట్రంలో 9 జిల్లాలు గ్రీన్ జోన్‌లో ఉండగా.. మరో 14 జిల్లాలు త్వరలోనే గ్రీన్ జోన్‌లో చేరతాయన్నారు. సోమవారం నాటికి మహబూబ్‌నగర్, సంగారెడ్డి, మెదక్, కామారెడ్డి, జయశంకర్ భూపాలపల్లి, కరీంనగర్, రాజన్న సిరిసిల్ల, మంచిర్యాల, నారాయణపేట, వికారాబాద్, నల్గొండ, జగిత్యాల, ఆసిఫాబాద్, జనగామ జిల్లాలు గ్రీన్‌ జోన్లోకి మారే అవకాశం ఉందన్నారు.ప్రస్తుతం రాష్ట్రంలో ఆరు జిల్లాలు.. హైదరాబాద్, రంగారెడ్డి, మేడ్చల్, సూర్యాపేట, వరంగల్ అర్బన్, నిజామాబాద్ రెడ్ జోన్ పరిధిలో ఉన్నాయి.

 

 

 

 

వీటిలో సూర్యాపేట, వరంగల్ అర్బన్, నిజామాబాద్ జిల్లాల్లో గత 14 రోజుల్లో ఒక్క కేసు కూడా నమోదు కాలేదని ఈటల తెలిపారు. దీంతో ఈ మూడు జిల్లాలు ఆరెంజ్ జోన్లోకి మారతాయన్నారు. అదే జరిగితే హైదరాబాద్, రంగారెడ్డి, మేడ్చల్ జిల్లాలు మాత్రమే రెడ్ జోన్‌లో కొనసాగనున్నాయని తెలిపారు.ఐసీఎంఆర్ మార్గదర్శకాల ప్రకారమే కరోనా పరీక్షలు నిర్వహిస్తున్నామని ఈటల తెలిపారు. హైదరాబాద్‌లో 8 సర్కిళ్లు మాత్రమే కంటైన్మెంట్జోన్‌లో ఉన్నాయని మంత్రి చెప్పారు. హైదరాబాద్, రంగారెడ్డి, మేడ్చల్ జిల్లాలు రెడ్ జోన్లో ఉన్నప్పటికీ.. పాజిటివ్ కేసులు నమోదైన సర్కిళ్ల పరిధిలోనే ఆంక్షలు వర్తిస్తాయని మంత్రి స్పష్టం చేశారు.

75 జిల్లాల్లో సామూహిక వ్యాప్తి

Tags: There are 3 district red zones in Telangana

Leave a Reply

Your email address will not be published. Required fields are marked *