కరోనాతో నిలిచిపోయిన ఈ పాస్ బుక్స్..

Date:14/07/2020

నెల్లూరు ముచ్చట్లు:

ఇ – పాస్‌బుక్‌ల సరఫరాపై కరోనా ప్రభావం పడింది. చెన్న్తె నగరం పూర్తి లాక్‌డౌన్‌లో ఉండటంతో ఇా పాస్‌బుక్‌ల ప్రింటింగ్‌ ప్రెస్‌ మూతపడింది. దీంతో ఇ- పాస్‌బుక్స్‌ సరఫరా నిలిచిపోయింది. రెవెన్యూ అధికారులు అప్రూవల్‌ చేసి పంపించిన ఫైళ్లు ఎక్కడికక్కడే నిలిచిపోయాయి. దీంతో రైతులు పాస్‌బుక్‌ల కోసం ఎదురుచూడాల్సి వస్తోంది. ”నవరత్నాలు పేదలందరికీ ఇళ్లు” పథకంలో భాగంగా రాష్ట్రవ్యాప్తంగా భూసేకరణను చేపట్టే పనిలో రెవెన్యూ అధికారులు నిమగమయ్యారు. అధికారులు అందుబాటులో లేక రొటీన్‌లో జరగాల్సిన పనులు, తహశీల్ధార్‌ కార్యాలయాలకు అందిన వినతులన్నీ మూలనపడ్డాయి. రైతుల స్వాధీనంలోని భూముల యాజమాన్య హక్కులకు సంబంధించి పాస్‌బుక్స్‌ కీలకమైనవి. రాష్ట్రవ్యాప్తంగా భూముల కొనుగోలు, అమ్మకాలు చేసిన వారితోపాటు తండ్రి ఆస్తి భార్య లేక వారసుల పేరుతో మార్చుకునేందుకు దరఖాస్తులు పెద్ద సంఖ్యలో రెవెన్యూ కార్యాలయాలకు చేరాయి. వీటిని పరిష్కరించాల్సిన అధికారయంత్రాంగం ఇంటి స్థలాలకు భూసేకరణతో పాటు కోవిడ్‌- 19 సహాయకచర్యల్లో నిమగం కావడంతో క్షేత్రస్థాయిలో రెవెన్యూ పనులు ఎక్కడివక్కడే నిలిచిపోయాయి. ఏప్రిల్‌ 11 నుంచి జూలై 11 వరకు రాష్ట్ర వ్యాప్తంగా టైటిల్‌డీడ్‌ కమ్‌, ఇ-  పాస్‌బుక్స్‌ కోసం 2,36,333 దరఖాస్తులు రాగా, ఇందులో రెవెన్యూ అధికారులు అఫ్రూవల్‌ చేసినవి 41,437 దరఖాస్తులేనని గణాంకాలు స్పష్టం చేస్తున్నాయి. 1,20,724 దరఖాస్తులు వివిధ దశల్లో పెండింగులో ఉన్నాయి. 33,635 దరఖాస్తులను వివిధ కారణాలతో అధికారులు తిరస్కరించారు.


01-04- 2020 నుంచి 11- 07- 2020 ( మూడు నెలల కాలంలో వచ్చిన దరఖాస్తులు)
జిల్లా పేరు     వచ్చిన దరఖాస్తులు           అప్రూవల్‌ చేసినవి          పెండింగ్‌లోఉన్నవి
నెల్లూరు              8397                   1588                      4499
కృష్ణ                  16,300                 3,922                     8391
చిత్తూరు               15,840                3,530                     8706
కర్నూలు              23,848                  5,183                  12,047
గుంటూరు             11,382                  1589                    6577
తూర్పుగోదావరి         19,784                4,220                     9465
విజయనగరం            26,498                 4,882                  12,640
కడప                      9,305                   1609                     4515
అనంతపురం               17,051                 2,718                    9613
ప్రకాశం                     16,834                2,449                    8,328
పశ్చిమ గోదావరి            14,999               3,007                     7,055
విశాఖపట్నం                23341                2,602                   12,541
శ్రీకాకుళం                   32,754                 4,138                   16,347
మొత్తం:                    2,36,333              41,437                 1,20724

వడ్డీలకే పరిమితమవుతున్న భీమా సొమ్ము

Tags: These passbooks that stopped with Corona

Leave a Reply

Your email address will not be published. Required fields are marked *