Trend in Future Gold Heavy

 ఫ్యూచర గోల్డ్ భారీలో ట్రెండ్

Date:6/08/2020

ముంబై ముచ్చట్లు:

బ‌ంగారం ధ‌ర‌ అమాంతం పైకి పోతుంది. పసిడి ధరల పరుగులు ఏ మాత్రం తగ్గడం లేదు. గ‌త కొంత‌కాలంగా బులియ‌న్ మార్కెట్లో బంగారం ధ‌ర‌లు పెరగ‌డ‌మే త‌ప్ప త‌గ్గుద‌ల క‌నిపించ‌డంలేదు. తాజాగా బుధ‌వారం కూడా ఇదే ట్రెండ్ కొనసాగింది. ఎంసీఎక్స్ గోల్డ్ ఫ్యూచర్ బుధవారం 0.3 శాతం అంటే రూ. 180 పెరగింది. దీంతో దేశ రాజ‌ధాని ఢిల్లీలో 10 గ్రాముల బంగారం ధ‌ర ఏకంగా రూ.1365 పెరిగింది. దాంతో క్రితం ట్రేడ్‌లో రూ.54,816 వ‌ద్ద ముగిసిన బంగారం ధ‌ర.. ఇవాళ్టి ట్రేడ్‌లో అమాంతం రూ.56,181కి చేరింది. అంతర్జాతీయ స్థాయిలో బంగారంపై పెట్టుబ‌డులు పెరుగడ‌మే బంగారం ధ‌ర‌లు పెరుగ‌డానికి కార‌ణ‌మ‌ని మార్కెట్ నిపుణులు అంచ‌నా వేస్తున్నారు.చెన్నై, హైదరాబాద్, కోయంబత్తూరు, విజయవాడ, మధురై, భువనేశ్వర్, విశాఖపట్నం నగరాల్లో కూడా 10 గ్రాముల బంగారం ధర రూ. 57,820గా ఉంది. ఆయా రాష్ట్రాల్లో స్థానిక పన్నులను బట్టి బంగారం ధరలో హెచ్చతగ్గులు ఉంటాయి. ఇక వెండీ కూడా 70వేల వేల్ మార్క్‌కు చేరువైంది. బుధ‌వారం నాటి ట్రేడ్‌లో భారీగా పెరిగాయి. కిలో వెండి ధ‌ర ఒక్క‌రోజే ఏకంగా రూ.5,972 పెరిగింది. దాంతో గ‌త ట్రేడ్‌లో రూ.66,754 వ‌ద్ద ముగిసిన కిలో వెండి ధ‌ర ఇవాళ‌ రూ.72,726కు చేరింది.అంత‌ర్జాతీయ మార్కెట్లో కూడా తొలిసారిగా ఔన్స్ బంగారం ధర రెండువేల డాలర్లను దాటింది. ఔన్స్ బంగారం ధ‌ర 2,032 అమెరిక‌న్ డాల‌ర్లు పెరుగ‌గా.. ఔన్స్ వెండి ధ‌ర 26.40 అమెరిక‌న్ డాల‌ర్లు పెరిగింది. గ్లోబల్ మార్కెట్‌లో అనిశ్చితి. రోజురోజుకు పెరుగుతు కరోనా కేసుల ఆందోళనతో బంగారానికి డిమాండ్ పెరిగిపోయింది. పెట్టుబడులకు బంగారమే సురక్షితమన్న సెంటిమెంట్ పెరుగుతోంది.

 

భారత్ కోలుకుంటోంది…

Tags:Trend in Future Gold Heavy

Leave a Reply

Your email address will not be published. Required fields are marked *