The University Grants Commission (UGC) in t

ఎంట్రన్స్ ఎగ్జామ్స్ పై యూజీసీ గైడ్ లైన్స్

Date:04/05/2020

న్యూఢిల్లీ ముచ్చట్లు:

కరోన వైపరీత్యం, లాక్‌డౌన్‌ కొనసాగింపు తదితర పరిస్థితుల నేపథ్యంలో యూనివర్సిటీ గ్రాంట్స్‌ కమిషన్‌ (యూజీసీ)..విద్యారంగంపై అపార అవగాహన ఉన్న నిపుణులతో కమిటీ వేసిన విషయం తెలిసిందే. ఈ కమిటీ తాజా పరిస్థితులు, బోధన, పరీక్షలు, ఫలితాలు అనేక అంశాలపై లోతుగా అధ్యయనం చేసి యూజీసీకి తమ నివేదికను సమర్పించింది. ఈ నివేదికను పరిశీలించిన తర్వాత కొద్దిపాటి మార్పులు చేర్పులతో యూజీసీ విద్యా విధానాన్ని వెల్లడించనుంది.

నివేదికలోని ప్రధానాంశాలు:

యూనివర్సిటీల్లో ఇప్పుడున్న వారంలో ఐదు రోజుల పనిదినాలు కాకుండా 6 రోజుల పనిదినాలను అమలు చేయాలి. ఈ విద్యా సంవత్సరంలో, 2020–21 విద్యా సంవత్సరంలోనూ దీనిని కొనసాగించాలి.వీలైనంత వరకు ఆన్‌లైన్‌లో బోధన చేపట్టాలి.లాక్‌డౌన్‌ సమయాన్ని విద్యార్థులు కాలేజీలకు హాజరైనట్లుగానే పరిగణనలోకి తీసుకోవాలి.ప్రస్తుత పరిస్థితుల్లో లాక్‌డౌన్‌ తర్వాత కూడా కొన్నాళ్ల పాటు భౌతికదూరం పాటించాలి.తక్కువ సమయంలో పరీక్షలను పూర్తి చేసేలా, సులభంగా పరీక్షలను నిర్వహించేలా చర్యలు చేపట్టాలి. ఇందుకోసం మల్టిఫుల్‌ చాయిస్‌ క్వశ్చన్స్‌తో (ఆబ్జెక్టివ్‌ విధానం) ఓఎంఆర్‌ విధానంలో పరీక్షలు నిర్వహించాలి. డిస్క్రిప్టివ్‌ విధానం అవసరం లేదు. ఓపెన్‌ బుక్‌ పరీక్షలు, ఓపెన్‌ చాయిస్‌ అసైన్‌మెంట్‌ విధానాలు అమలు చేయాలి.

షిఫ్టుల పద్ధతిలో పరీక్షలు:

చాలా యూనివర్సిటీలు 100 మార్కుల్లో 30 మార్కులు ఇంటర్నల్స్, 70 మార్కులు ఎక్స్‌టర్నల్‌ పరీక్షల విధానం అమలు చేస్తున్నాయి. తమ నిబంధనల మేరకు ఆన్‌లైన్‌/ఆఫ్‌లైన్‌ పరీక్షలు నిర్వహించాలి.
అవసరమైతే యూనివర్సిటీలు 3 గంటల పరీక్ష సమయాన్ని 2 గంటలకు కుదించవచ్చు. పరీక్షల నిర్వహణలో షిప్ట్‌ల పద్ధతి అవలభించవచ్చు.అవకాశముంటే ఇంటర్నల్స్‌ ఆధారంగా 50 శాతం మార్కులు ఇచ్చి, మరో 50 శాతం మార్కులను గతంలో వచ్చిన మార్కుల ఆధారంగా ఇవ్వొచ్చు. లేదా ఫైనల్‌ పరీక్షల్లో 50 శాతం మార్కులను అసైన్స్‌మెంట్స్, ప్రాజెక్టు వర్క్, టర్మ్‌ పేపరు, మినీ రివ్యూ, ఓపెన్‌ బుక్‌ పరీక్షల విధానంలో ఇవ్వొచ్చు. అయితే దీనిని ప్రథమ సంవత్సర విద్యార్థులకు అమలు చేయాలి.
లాక్‌డౌన్‌ ఎత్తేసిన తర్వాత వీలైనంత త్వరగా డిగ్రీ, పీజీ పరీక్షలను పూర్తి చేయాలి. ఈ విద్యా సంవత్సరంలో విద్యార్థులందరినీ పై తరగతి (తర్వాతి సెమిస్టర్‌)కి ప్రమోట్‌ చేయాలి. విద్యార్థులు పరీక్షలకు హాజరు కాకపోయినా, ఫెయిలైనా ఇది అమలు చేయాలి. తర్వాత పరీక్షల్లో వచ్చే మార్కులను వేయాలి.

కామన్‌ అడ్మిషన్‌ టెస్టులు:

పరీక్షలకు సంబంధించిన సమాచారాన్ని విద్యార్థులకు వారం రోజుల ముందు తెలియజేయాలి.
విద్యార్థులు చేయాల్సిన ప్రాజెక్టులను ల్యాబ్‌లు, ఫీల్డ్‌లో కాకుండా వీలైతే ఆన్‌లైన్‌ విధానంలో/సమీక్ష విధానంలో చేసేలా చర్యలు చేపట్టాలి.ప్రాక్టికల్‌ పరీక్షలను, వైవా పరీక్షలను స్కైప్‌ వంటి యాప్‌ల సహకారంతో చేపట్టాలి.డిగ్రీ, పీజీ కోర్సులకు జాతీయ/రాష్ట్ర స్థాయిలో కామన్‌ అడ్మిషన్‌ టెస్టును నిర్వహించాలి.ఎం.ఫిల్, పీహెచ్‌డీ అభ్యర్థులు తమ థీసిస్‌ సబ్మిట్‌ చేసేందకు 6 నెలల సమయం ఇవ్వాలి. వైవా పరీక్షలను వీడియో కాన్ఫరెన్సింగ్‌ ద్వారా నిర్వహించాలి.

 

జూలై, ఆగస్టులలో సీఏ పరీక్షలు

Tags: USC Guidelines on Entrance Exams

Leave a Reply

Your email address will not be published. Required fields are marked *