95 ఏళ్ల బ్యాంక్ కు సెలవు

Date:31/08/2019

విజయవాడ ముచ్చట్లు:

తెలుగోడి బ్యాంక్. తెలుగు నేలపై పురుగుపోసుకున్న ఏకైక జాతీయ బ్యాంక్ ఇది. అయితే ఇప్పుడు ఇది తన అస్థిత్వాన్ని కోల్పోబోతుంది. తెలుగింటి కోడలు నిర్మలా సీతారామన్ ఇందుకు కారణం కావడం ఇక్కడ గమనార్హం. కేంద్ర ఆర్థిక మంత్రిగా బాధ్యతలు నిర్వహిస్తున్న ఈమె మెగా బ్యాంకుల విలీనం ప్రకటించింది. బ్యాంకుల విలీనంతో బ్యాంకింగ్ రంగంలో భారీ సంస్కరణలకు తెరతీశామని కేంద్ర ప్రభుత్వం చెబుతోంది. విలీనంతో దేశంలో 27గా ఉన్న ప్రభుత్వ రంగ బ్యాంకుల సంఖ్య 12కు దిగిరానుంది. దీంతో మన ఆంధ్రా బ్యాంక్‌ కూడా కనుమరుగు కాబోతోంది. ఆంధ్రా బ్యాంక్‌, కార్పొరేషన్ బ్యాంక్, యూనియన్ బ్యాంక్‌లను విలీనం చేయనున్నారు.

 

 

 

 

విలీనం తర్వాత ఏర్పాటయ్యే బ్యాంక్ ఐదో అతిపెద్ద ప్రభుత్వ రంగ బ్యాంక్‌గా ఆవిర్భవిస్తుంది. దీన్ని కార్యకలాపాలను యూనియన్ బ్యాంక్ చూసుకుంటుంది. దీంతో ఆంధ్రా బ్యాంక్ కనుమరుగు అవుతుంది. ప్రముఖ స్వాతంత్ర్య సమరయోధులలో ఒకరైన భోగరాజు పట్టాభి సీతారామయ్య 1923, నవంబరు 20న ఆంధ్రాబ్యాంకును కృష్ణా జిల్లా మచిలీపట్నం (బందరు) కేంద్రంగా స్థాపించారు. ఇందిరాగాంధీ 1980లో ఆంధ్రా బ్యాంక్‌ను జాతీయికరణ చేశారు.

 

 

 

 

 

దీంతో ఇది ప్రభుత్వ రంగ బ్యాంక్‌గా అవతరించింది. భారత దేశానికి క్రెడిట్ కార్డులను పరిచయం చేసింది ఆంధ్రా బ్యాంకే. 1981లోనే క్రెడిట్ కార్డులను ఇష్యూ చేసింది. అలాగే ఈ బ్యాంక్ 2003 నాటికి వంద శాతం కంప్యూటరీకరణ సాధించింది. 2007లో బయోమెట్రిక్ ఏటిఎంలను భారతదేశానికి పరిచయం చేసింది కూడా ఆంధ్రా బ్యాంకే. ఇకపోతే ఆంధ్రా బ్యాంక్ గ్రామీణ ప్రాంతాల్లో ఎక్కువగా కార్యకలాపాలు నిర్వహిస్తుండటం గమనార్హం. ఆంధ్రా బ్యాంక్‌కు ప్రస్తుతం దేశవ్యాప్తంగా 2,904 శాఖలు ఉన్నాయి. బ్యాంకులో 2018 సెప్టెంబర్ చివరి నాటికి 21,740 మంది సిబ్బంది పనిచేస్తున్నారు. హైదరాబాద్ ప్రధాన కేంద్రంగా ఈ బ్యాంక్ కార్యకలాపాలు నిర్వహిస్తోంది.

క్రాస్ రోడ్స్ లో కాంగ్రెస్

Tags: Vacation to 95-year-old bank

Leave a Reply

Your email address will not be published. Required fields are marked *