రెండు రాష్ట్రాల మధ్య  జలజగడం

-సాగర్ వద్ద భారీగా పోలీస్ బందోబస్తు

 

నల్గొండ ముచ్చట్లు:

 

నాగార్జున సాగర్ డ్యాం వద్ద ముందస్తు భద్రతా ఏర్పాట్లు చేశారు పోలీసులు. ఆంధ్ర ప్రదేశ్, తెలంగాణ రెండు రాష్ట్రాల మధ్య రగులుతున్న జల వివాదం ఎంతమాత్రం ముదరకుండా ఉండేందుకు ముందస్తుగా నాగార్జునసాగర్ ప్రాజెక్టు వద్ద పటిష్టమైన బందోబస్తును జిల్లా పోలీసులు ఏర్పాట్లు చేశారు. శ్రీశైలం ప్రాజెక్టు వద్ద తెలంగాణ విద్యుత్ కేంద్రంలో విద్యుత్ ఉత్పత్తి చేస్తున్న నేపథ్యంలో శ్రీశైలం డ్యాం లో కనీస నీటిమట్టం 834 అడుగులకు పైగా ఉప్పుడు మాత్రమే విద్యుత్తును ఉత్పత్తి చేయాలని ఏపీ ప్రభుత్వం తెలంగాణ ప్రభుత్వానికి తెలిపింది.అయినప్పటికీ తెలంగాణ జెన్కో ఉన్నతాధికారులు మాత్రం తెలంగాణ ప్రాంతంలో ఉన్న జల విద్యుత్ కేంద్రాలలో నూటికి నూరు శాతం విద్యుత్తును ఉత్పత్తి చేయాలని ఆదేశాలు జారీ చేసింది. దీంతో శ్రీశైలం ప్రధాన జలవిద్యుత్ కేంద్రం వద్ద కొంతమేరకు ఉద్రిక్త పరిస్థితి నెలకొని ఉన్నందున ఆంధ్ర ప్రదేశ్ తెలంగాణ సరిహద్దుల్లో ఉన్న నాగార్జునసాగర్ ప్రాజెక్టు వద్ద భద్రతను కట్టుదిట్టం చేశారు.

 

 

ఏపీకి చెందిన వారు కావాలని ఎవరైనా గొడవలు చేస్తారనే ముందస్తు జాగ్రత్త చర్యలో భాగంగా జిల్లా ఎస్పీ రంగనాథ్ సారాధ్యంలో సెక్యూరిటీ పెంచారు.జిల్లా హెడ్ క్వార్టర్స్ నుండి గ్రహం దళాలను, ప్రత్యేక పోలీసు సిబ్బందిని సుమారు 220మంది పోలీసులు, ఐదుగురు సీఐ  లు, ఇద్దరు డీఎస్పీ  సాగర్ ప్రాజెక్టు వద్ద మోహరించి ఎస్పీ రంగనాథ్ సారధ్యంలో ప్రత్యేక బందోబస్తును ఏర్పాటు చేశారు. ఏ క్షణంలో ఏం జరిగినా అప్రమత్తంగా ఉండాలని సిబ్బందికి ఎస్పీ రంగనాథ్ తగిన ఆదేశాలు జారీ చేశారు. నాగార్జున సాగర్ జలవిద్యుత్, ప్రధాన డ్యామ్ వద్ద ఎస్పీఎఫ్‌తో పాటు అదనంగా ప్రత్యేక భద్రతా దళాలతో భద్రత ఏర్పాటు చేశారు.

పుంగనూరులో పనిచేస్తున్న మాదవరాజుకు తహశీల్ధార్‌గా పదోన్నతి

Tags: Waterlogging between the two states

Leave a Reply

Your email address will not be published. Required fields are marked *