Well..good gold ..

 భలే..భలే బంగారం…

Date:27/11/2020

ముంబై ముచ్చట్లు

బంగారం కొనుగోలు చేయాలని భావిస్తున్నారా? అయితే మంచి టైమ్ కోసం ఎదురు చూస్తున్నారా? అయితే మీరు ఒక విషయం తెలుసుకోవాలి. బంగారం ధరల్లో కూడా తీవ్ర హెచ్చుతగ్గులు ఉంటున్నాయి. ఏడాది ఆరంభం నుంచి పరుగులు పెడుతూ వచ్చిన బంగారం ధర ఇటీవల కాలంలో వెలవెలబోతూ వస్తోంది.బంగారం ధర ఆగస్ట్ నెలలో ఏకంగా ఆల్‌టైమ్ గరిష్ట స్థాయికి తాకింది. హైదరాబాద్ మార్కెట్‌లో ఆగస్ట్ 7న 24 క్యారెట్ల బంగారం ధర 10 గ్రాములకు ఏకంగా రూ.59,130కు చేరింది. అదేసమయంలో వెండి ధర కూడా ఇదే దారిలో నడిచింది. వెండి ధర కేజీకి ఏకంగా రూ.76,510 స్థాయికి పరుగులు పెట్టింది.అయితే ఇప్పుడు బంగారం ధర 10 గ్రాములకు రూ.49,750 వద్ద కదలాడుతోంది. ఆగస్ట్ నెల గరిష్ట స్థాయి నుంచి చూస్తే బంగారం ధర ఏకంగా రూ.9 వేలకు పైగా పతనమైందని చెప్పుకోవచ్చు. అలాగే వెండి ధర కూడా కేజీకి రూ.65,000 వద్ద ఉంది. ఆగస్ట్ నెల గరిష్ట స్థాయి నుంచి చూస్తే వెండి ధర ఏకంగా రూ.11,500 పడిపోయింది.అందువల్ల బంగారం కొనుగోలు చేయాలని భావించే వారికి ఇప్పుడు కొన్నా కూడా మంచిదే అని చెప్పుకోవచ్చు. అయితే పసిడి ధర రానున్న రోజుల్ల మరింత తగ్గొచ్చనే అంచనాలు కూడా ఉన్నాయి. కరోనా వ్యాక్సిన్ తయారీ ఇందుకు ప్రధాన కారణం. అందుకే గత కొన్ని రోజులుగా పసిడి ధర పడుతూనే వస్తోంది. అందువల్ల మీరు బంగారం కొనేందుకు ఇంకొన్ని రోజులు వేచి చూసినా పర్లేదు.

 

దిశాతో…మారిపోయిన రోడ్ల దశ

Tags:Well..good gold ..

Leave a Reply

Your email address will not be published. Required fields are marked *