వైసీపీ ఎమ్మెల్యే ధర్నా చేయడం ఏంటి

Date:11/06/2019

ఒంగోలు  ముచ్చట్లు:

 

వైసీపీ ఎమ్మెల్యే ధర్నా చేయడం ఏంటి.. ఏకంగా ముఖ్యమంత్రి జగన్ స్పందించడమేంటని అనుకుంటున్నారా. నిజమే మరి.. స్వపక్షంలో విపక్షం అన్నట్లు.. కొత్తగా అధికారంలోకి వచ్చిన వైసీపీకి

సొంత పార్టీ ఎమ్మెల్యేనే షాకిచ్చారు. జీవోను రద్దు చేయాలంటూ రైతులతో కలిసి ధర్నాకు దిగారు. సమస్యకు పరిష్కారం దొరికే వరకు వెనక్కు తగ్గలేదు. ఏకంగా ముఖ్యమంత్రి స్పందించాల్సి వచ్చింది.

ప్రకాశం జిల్లాలో రాళ్లపాడు ప్రాజెక్ట్‌ విషయంలో వివాదం రేగింది. రాళ్లపాడు నుంచి కామధేనువు ప్రాజెక్టుకు నీరు తరలించేలా గత ప్రభుత్వం జీవోను జారీ చేసింది. ఈ జీవోను రద్దు చేయాలంటూ

రాళ్లపాడు ప్రాజెక్ట్‌ దగ్గర కందుకూరు వైసీపీ ఎమ్మెల్యే మహిధర్‌ రెడ్డి ఆధ్వర్యంలో రైతులు ధర్నాకు దిగారు. నెల్లూరు జిల్లా చింతలదీవిలోని కామధేనువు బ్రీడింగ్ పసుక్షేత్రానికి..

నీరిందించేందుకుపైపులైన్లు ఏర్పాటు చేస్తున్నారని.. వాటిని వెంటనే తొలగించాలని ఎమ్మెల్యే డిమాండ్ చేశారు. ఎమ్మెల్యే ధర్నా వ్యవహారం వైసీపీ సీనియర్ నేత, మాజీ ఎంపీ వైవీ సుబ్బారెడ్డి దృష్టికి

వెళ్లింది. వెంటనే రంగంలోకి దిగిన సుబ్బారెడ్డి.. సమస్యపై ఆరా తీశారు. వెంటనే జగన్ దృష్టికి తీసుకెళ్లగా.. ఏపీ ముఖ్యమంత్రి స్పందించారు. ప్రాజెక్టకు సంబంధించిన జీవోను రద్దు చేస్తామని

మానుగుంట మహిధర్ రెడ్డికి జగన్ హామీ ఇవ్వడంతో.. ధర్నా విరమించారు.

తెలంగాణ లో జగన్ ఫ్యాన్స్

Tags:MLA Darna … Jagan Phone…

Leave a Reply

Your email address will not be published. Required fields are marked *