Natyam ad

యువకులైన శ్రీవారి సేవకులు భక్తులకు సేవలందించేందుకు ముందుకు రావాలి

– ఏప్రిల్ 1వ తేదీ నుండి ఆన్‌లైన్‌లో అడ్వాన్స్ ద‌ర్శ‌నం, సేవా టికెట్లు పొందిన భ‌క్తుల‌కు వ‌స‌తి

– శ్రీ‌వారి ల‌డ్డూ ప్ర‌సాదాల ధ‌ర‌లు త‌గ్గించ‌లేం

– డ‌య‌ల్ యువ‌ర్ ఈవోలో  ఎవి.ధర్మారెడ్డి

 

Post Midle

తిరుమ‌ల‌ ముచ్చట్లు:

యువకులైన శ్రీవారి సేవకులు క్యూ లైన్లు, శ్రీవారి ఆలయంలో భక్తులకు సేవలందించేందుకు ముందుకు రావాలని టీటీడీ ఈవో  ఎవి.ధర్మారెడ్డి పిలుపునిచ్చారు. ఈ సంద‌ర్భంగా టీటీడీ చేపట్టిన అనేక కార్యక్రమాలతో పాటు ధార్మిక మరియు ఎస్వీబిసి కార్యక్రమాలు బాగున్నాయ‌ని భ‌క్తులు ప్రశంసల వర్షం కురిపించారు.

తిరుమ‌ల అన్న‌మ‌య్య భవనంలో డ‌య‌ల్ యువ‌ర్ ఈవో కార్య‌క్ర‌మం శ‌నివారం జరిగింది. ఈ సందర్భంగా పలువురు భక్తులు అడిగిన ప్రశ్నలకు ఈవో సమాధానాలు ఇచ్చారు.

1. వెంక‌టేశ్వ‌ర రావు – హైద‌రాబాద్

ప్రశ్న : శ్రీ‌వారి సేవ‌కుల వ‌య‌స్సు 60 సంవ‌త్స‌రాల పుండి 65 సంవ‌త్స‌రాలు చేయండి.

ఈవో : ప్ర‌తి రోజు వేలాది మంది భ‌క్తులు తిరుమ‌ల శ్రీ‌వారి ద‌ర్శ‌నానికి వ‌స్తుంటారు, వారికి ఎలాంటి అసౌక‌ర్యం క‌లుగ‌కుండా సేవ‌లందించ‌డానికి 60 సంవ‌త్స‌రాలలోపు వారైతే బాగా సేవ‌లందిస్తారు.

2. రామ‌ల‌క్ష్మీ – నంద్యాల‌

ప్రశ్న : శ్రీ‌వారి ల‌డ్డూ ప్ర‌సాదాలు రెండే ఇస్తున్నారు. ప్ర‌తి భ‌క్తుడికి 10 ఇచ్చేలా చ‌ర్య‌లు తీసుకొండి,

ఈవో : శ్రీ‌వారిని ద‌ర్శించుకున్న ప్ర‌తి భ‌క్తుడికి ఒక ఉచిత ల‌డ్డూ అందిస్తున్నాం. బ్ర‌హ్మోత్సవాలు, వైకుంఠ‌ ఏకాద‌శి త‌దిత‌ర ప‌ర్వ‌దినాల్లో త‌ప్ప‌, మిగిలిన స‌మ‌యంలో భ‌క్తులు కావాల‌సిన‌న్ని ల‌డ్డూలు పొంద‌వ‌చ్చు.

3. వెంక‌టేష్ – హైద‌రాబాద్‌

ప్రశ్న: శ్రీ‌వారి ల‌డ్డూ ప‌రిమాణం త‌గ్గింది. రేటు త‌గ్గించండి.

ఈవో : ల‌డ్డూ బ‌రువు, ప‌రిమాణం త‌గ్గ‌లేదు, రేటు త‌గ్గించ‌డానికి అవ‌కాశం లేదు.

4. నాగేశ్వ‌ర‌రావు – హైద‌రాబాద్‌

ప్రశ్న : మా స్నేహితులు ఇటీవ‌ల అమెరికా నుండి శ్రీ‌వారి ద‌ర్శ‌నానికి వ‌చ్చారు. ద‌ర్శ‌నానంత‌నం తిరుమ‌ల‌లోని టీటీడీ బుక్ స్టాల్‌లో రూ. 111/- విలువ గ‌ల ఒక‌ గోవింద నామాల పుస్త‌కాన్ని అడిగితే, అక్క‌డ సిబ్బంది బ‌ల‌వంతంగా ఒక్కొక్క‌టి రూ.150/- వంతున రెండు పుస్త‌కాలు ఇచ్చారు.

ఈవో : దీనిపై ప‌రిశీలించి విధులలో ఉన్న సిబ్బందిపై చ‌ర్య లు తీసుకుంటాం.

4. ధ‌నంజ‌య – చెన్నై

ప్రశ్న : ఫిబ్ర‌వ‌రి 24న తిరుప‌తి జ‌న్మ‌దిన వేడుక‌లు చాలా అద్భుతంగా నిర్వ‌హించారు. టీటీడీలోని అన్ని కార్య‌ల‌యాల్లో శ్రీ భ‌గ‌వ‌త్ రామానుజ‌చార్యులు ఫోటో పెట్టండి.

ఈవో : ప్ర‌స్తుతం శ్రీ‌వారు, శ్రీ ప‌ద్మావ‌తి అమ్మ‌వారి ఫోటోలు మాత్ర‌మే ఉంటాయి. మీ స‌ల‌హాన్ని ఆగ‌మ స‌ల‌హా మండ‌లికి విన్న‌విస్తాం.

5. తిరుమ‌ల రెడ్డి – తిరుప‌తి

ప్రశ్న : 2009లో అష్ట‌ద‌ళ పాద‌ప‌ద్మారాధ‌న సేవా టికెట్లు కొనుగోలు చేశాం. కానీ కొన్ని అనివార్య కార‌ణాల వ‌ల్ల సేవ‌కు రాలేకపోయాం. తిరిగి టికెట్లు కేటాయించండి.

ఈవో : అష్ట‌ద‌ళ పాద‌ప‌ద్మారాధ‌న టికెట్లు ప‌రిమిత సంఖ్య‌లో ఉంటాయి. ప‌రిశీలిస్తాం.

6. సుధాక‌ర్ – గుంత‌క‌ల్లు ర‌వీంద్ర – హైద‌రాబాద్‌

ప్ర‌శ్న : శ్రీ‌వారిని ద‌గ్గ‌ర‌గా చూసే అవ‌కాశం క‌ల్పించండి.

ఈవో : విఐపి సిఫార‌స్సు లేట‌ర్లు, శ్రీ‌వాణి ట్ర‌స్టు ద్వారా టికెట్లు కొనుగోలు చేసి బ్రేక్ ద‌ర్శ‌నం పొంద‌వ‌చ్చు.

7. తుల‌సీ – బెంగుళూరు

ప్ర‌శ్న : ఆన్‌లైన్‌లో అంగ‌ప్ర‌ద‌క్ష‌ణ టోకెన్లు, ఆర్జిత సేవ‌లు, రూ.300/- టికెట్లు సెంక‌డ్ల‌లో అయిపోతున్నాయి. ఎన్ని సార్లు ప్ర‌య‌త్నించిన పొంద‌లేక పోతున్నాం.

ఈవో: శ్రీ‌వారిపై ఉన్న‌ అచంచ‌ల భ‌క్తి వ‌ల్ల టికెట్లు త్వ‌ర‌గా అయిపోతున్నాయి. అప్ప‌టికి మేము టికెట్ల బుకింగ్‌ను క్లౌడ్‌లో ఉంచుతున్నాం. మా వ్య‌వ‌స్థ‌ చాలా పార‌ద‌ర్శ‌కంగా, ప‌టిష్టంగా, అద్బుతంగా ప‌నిచేస్తోంది.

8. నాగేంద్ర – గుంటూరు

ప్ర‌శ్న : సేవా, ద‌ర్శ‌నం టికెట్లతో పాటు వ‌స‌తి బుక్ చేసుకునే అవ‌కాశం క‌ల్పించండి.

ఈవో : ఏప్రిల్ 1వ తేదీ నుండి ఆన్‌లైన్‌లో అడ్వాన్స్ బుకింగ్ ద్వారా ద‌ర్శ‌నం, సేవా టికెట్లు పొందిన భ‌క్తుల‌కు వ‌స‌తి అందుబాటులోకి వ‌స్తుంది.

9. వెంక‌టేష్ – వ‌రంగ‌ల్‌

ప్ర‌శ్న : గ‌తంలో శ్రీ‌వారి సేవ‌కుల‌కు చివ‌రి రోజు సుప‌థం గుండా ద‌ర్శ‌నం క‌ల్పిస్తున్నారు. దానిని పున‌రుద్ద‌రించండి.

ఈవో : ఇదివ‌ర‌కు సుప‌థం ఉండేది, ప్ర‌స్తుతం రూ.300/- క్యూ లైన్‌లోనే శ్రీ‌వారి సేవ‌కుల‌కు ద‌ర్శ‌నం క‌ల్పిస్తున్నాం.

10. నిఖిలేష్ – నెల్లూరు

ప్ర‌శ్న : ఎస్వీబిసిలో కార్య‌క్ర‌మాలు చాలా బాగున్నాయి. అదేవిధంగా నాద‌నీరాజ‌నం వేదిక‌పై విద్యార్థుల‌కు పురాణాల‌పై పోటీలు నిర్వ‌హిస్తే యువ‌త‌లో భ‌క్తి భావం పెరుగుతుంది.

ఈవో : విద్యార్థుల‌కు భ‌గ‌వ‌ద్గీత పోటీలు, ఎస్వీబిసిలో అన్న‌మ‌య్య‌, వెంగ‌మాంబ సంకీర్త‌న‌ల‌పై పోటీలు నిర్వ‌హించి శ్రీ‌వారి ద‌ర్శ‌నం క‌ల్పిస్తున్నాం. విద్యార్ధుల‌కు అందించేందుకు భ‌గ‌వ‌ద్గీత‌ను ఐదు బాష‌ల‌లో 15 పేజిల‌తో కోటి పుస్త‌కాల‌ను ముద్రిస్తున్నాం.

11. కృష్ణకుమారి – హైద‌రాబాద్ తరుణ్‌కుమార్ – కోయంబత్తూరు మునిల‌క్ష్మీ – నెల్లూరు

ప్ర‌శ్న : సప్తగిరి విశ్రాంతి గృహాలు, ఎఎన్‌సి, జిఎన్‌సి వ‌స‌తి గ‌దుల‌లో గీజ‌ర్లు ప‌ని చేయ‌డంలేదు. పాంచజన్యంలో బొద్దింక‌లు ఎక్కువ‌గా ఉన్నాయి. వసతులు సరిగా లేవు.

ఈవో : గ‌తంలో 50 సంవ‌త్స‌రాల క్రితం నిర్మించిన సప్తగిరి విశ్రాంతి గృహాల‌ను ఆధునీక‌రిస్తాం. కొత్త గీజ‌ర్లు పెట్టిన అన్ని వ‌స‌తి గ‌దుల‌లో వెంట‌నే క‌నెక్ష‌న్ ఇవ్వ‌వ‌ల‌సిందిగా అధికారుల‌ను ఆదేశించాం. పాంచ‌జ‌న్యంలో బొద్దింక‌ల నివార‌ణ‌కు వెంట‌నే చ‌ర్య‌లు తీసుకుంటాం.

12. శ్రీ వెంకటేష్ – హైదరాబాద్‌

ప్ర‌శ్న: తిరుపతి నుంచి తిరుమ‌లకు బస్సులను నామమాత్రపు ధరలకు టీటీడీ నడ‌పాలి.

ఈవో: టీటీడీకి సాధ్యం కాదు.

13. అప్ప‌న్న – విశాఖ‌ప‌ట్నం

ప్ర‌శ్న : భ‌క్తులు తిరుమ‌ల‌కు ప్లాస్టిక్ వాట‌ర్ బాటీళ్ళు తీసుకువ‌స్తున్నారు. అలిపిరి వ‌ద్ద చెకింగ్ స‌రిగ్గా జ‌ర‌గ‌డం లేదు.

ఈవో : చ‌ర్య‌లు తీసుకుంటాం.

14.మ‌నోహ‌ర్ – మ‌స్క‌ట్‌

ప్ర‌శ్న : ఆన్‌లైన్‌లో తిరుమ‌ల‌లో వ‌స‌తి బుక్ చేసుకున్నాను. ఇంకా ఎలాంటి మెసేజ్‌లు రాలేదు.

ఈవో : మా అధికారులు మీతో మాట్లాడి చ‌ర్య‌లు తీసుకుంటారు.

15. ల‌క్ష్మీ – విశాఖ‌ప‌ట్నం

ప్ర‌శ్న : దాత‌లు ద‌ర్శ‌నానికి ఎలా వెళ్ళ‌లి అనే దానిపై బోర్డులు ఏర్పాటు చేయండి.

ఈవో : అధికారుల‌తో మాట్లాడి అవ‌స‌ర‌మైన ప్రాంతాల్లో సైన్‌బొర్డులు ఏర్పాటు చేస్తాం.

16. దుర్గ‌ప్ర‌సాద్ – కాకినాడ‌

ప్ర‌శ్న: శ్రీ‌వారి సేవ ఆఫ్‌లైన్‌లో ఒక ఆధార్‌కు రెండు ఫోన్ నెంబ‌ర్లు ఉండ‌టం వ‌ల్ల ఆన్‌లైన్‌లో బుక్ కావ‌డం లేదు.

ఈవో : మా అధికారులు మీతో మాట్లాడతారు.

17. సౌజ‌న్య – హైద‌రాబాద్‌

ప్ర‌శ్న : వ‌యోవృద్ధులు, దివ్యాంగుల‌కు స‌హ‌య‌కులుగా భార్య / భ‌ర్త కాకుండా వారి కుటుంబ‌స‌భ్యుల‌ను అనుమ‌తించండి.

ఈవో : వీరికి స‌హ‌య‌కులుగా భ‌ర్య లేదా భ‌ర్త‌, శ్రీ‌వారి సేవ‌కులు ఉంటారు. ప‌రిశీలిస్తాం.

18. శ్రీ‌కాంత్ – హైద‌రాబాద్‌

ప్ర‌శ్న : ఆన్‌లైన్‌లో వ‌యోవృద్ధులు ద‌ర్శ‌నం బుక్ చేసుకోవ‌డం చాలా బాగుంది. కానీ మూడు నెల‌ల ముందు బుక్ చేసుకుంటే వారి ఆరోగ్య ప‌రిస్థితి దృష్ట్యా బుకింగ్ స‌మ‌యాన్ని త‌గ్గించండి.

ఈవో : ప‌రిశీలిస్తాం.

19. రాధ – విశాఖ‌ప‌ట్నం

ప్ర‌శ్న : శ్రీ‌వారి సేవ‌కుల‌కు గ‌తంలో 3, 5 రోజుల సేవ ఉండేది. ప్ర‌స్తుతం 7 రోజుల సేవ మాత్ర‌మే ఉంది. తిరిగి 3, 5 రోజుల సేవ ప్ర‌వేశ‌పెట్టండి.

ఈవో : శ్రీ‌వారి సేవ‌కుల‌కు అవ‌గాహ‌న‌ క‌ల‌గ‌డానికి రెండు రోజులు ప‌డుతుంది. కావున శ్రీ‌వారిసేవ 7 రోజులుగా నిర్ణ‌యించాం.

 

Tags: Young sevaks of Srivari should come forward to serve the devotees

Post Midle