జైడస్..తొలి డీఎన్‌ఏ టీకా

న్యూడిల్లీ  ముచ్చట్లు:

రెండో దశ వ్యాప్తి నుంచి దేశం ఇప్పుడిప్పుడే కోలుకుంటోంది. ఈ నేపథ్యంలో వీలైనంత మేర దేశంలోని ప్రతి ఒక్కళ్లకీ టీకాలను అందజేయాలని కేంద్రం లక్ష్యంగా పెట్టుకుంది. కోవిడ్‌పై పోరులో భాగంగా టీకాలపై రెండు రోజుల కిందటే అమెరికాకు చెందిన మోడెర్నా వ్యాక్సిన్‌ అత్యవసర వినియోగానికి కేంద్రం గ్రీన్ సిగ్నల్ ఇచ్చింది. ఇదిలా ఉండగా, అతి త్వరలో మరో స్వదేశీ టీకా కూడా అందుబాటులోకి వచ్చే అవకాశ ఉంది. తాజాగా, గుజరాత్‌కు చెందినజైడస్ క్యాడిలా సంస్థ తాము అభివృద్ధి చేసిన టీకా అత్యవసర వినియోగం కోసం దరఖాస్తు చేసింది.‘జైకోవ్‌ – డి’ టీకా అత్యవసర వినియోగ అనుమతుల కోసం గురువారం డ్రగ్ కంట్రోలర్ జనరల్ ఆఫ్ ఇండియా (డీసీజీఐ)కు దరఖాస్తు చేసుకుంది. డీఎన్‌ఏ సాంకేతికతతో ‘జైకోవ్‌-డి’మూడు డోసుల వ్యాక్సిన్‌ను జైడస్‌ క్యాడిలా అభివృద్ధి చేసింది. ఈ టీకా మూడో దశ క్లినికల్ ట్రయల్స్ ఇటీవలే పూర్తయ్యాయి. ఈ ప్రయోగాల్లో 28వేల మంది వాలంటీర్లు పాల్గొన్నారు. ఇందులో 12-18 ఏళ్ల వయసున్న 1,000 మంది చిన్నారులు కూడా ఉన్నారు. క్లినికల్ ట్రయల్స్ ఫలితాలతో డీసీజీఐకి దరఖాస్తు చేసుకుంది.12ఏళ్లు పైబడిన వారికి తమ టీకా వినియోగ అనుమతులు ఇవ్వాలని కోరింది. అత్యవసర అనుమతులు లభించిన తర్వాత ఏడాదికి 12కోట్ల డోస్‌ల ఉత్పత్తికి జైడిస్ క్యాడిలా ప్రణాళికలు రూపొందించింది. ఇదిలా ఉండగా, ‘జైకోవ్‌-డి’కు అనుమతులు లభిస్తే ప్రపంచంలోనే తొలి డీఎన్‌ఏ ఆధారిత కరోనా వ్యాక్సిన్‌ అవుతుంది. దేశంలో వినియోగంలోకి వచ్చే ఐదో టీకాతోపాటు చిన్నారులకు అందుబాటులోకి వచ్చే తొలి టీకా కూడా ఇదే కానుంది. మూడు డోస్‌ల ఈ టీకా.. 66.6 శాతం ప్రభావవంతంగా పనిచేస్తున్నట్టు మధ్యంతర ఫలితాల్లో వెల్లడయ్యింది.‘భారత్ మొత్తం వ్యాక్సినేషన్ ప్రక్రియకు జైకో-డి ఎంతో సహాయకారిగా ఉంటుంది.. దేశంలో ఆమోదం పొందిన ఐదో టీకా కానుంది’ అని గ్లోబల్‌డేటా ఫార్మాస్యూటికల్ ఎనలిస్ట్ ప్రశాంత్ ఖదాయతే అన్నారు. డీఎన్‌లు టీకాలు ఇతర వాటి కంటే భిన్నంగా ఉంటాయి. ఫైజర్, మోడెర్నా వంటివి mRNAసాంకేతిక పరిజ్ఞానంపై ఆధారపడి ఉంటాయి. ఆస్ట్రాజెనెకా మాదిరిగా వైరల్ వెక్టర్స్ వంటి సాంకేతిక పరిజ్ఞానాన్ని ఇందులో వినియోగించారు.కొవాగ్జిన్‌, కొవిషీల్డ్‌తో పాటు రష్యాకు చెందిన స్పుత్నిక్‌-వీ వ్యాక్సిన్‌లు అందుబాటులో ఉండగా.. ఇటీవలే మోడెర్నా టీకా అత్యవసర వినియోగానికి కేంద్రం అనుమతులు మంజూరు చేసింది. ముంబయికి చెందిన ఫార్మా సంస్థ సిప్లా.. ఈ టీకాలను అమెరికా నుంచి దిగుమతి చేసుకుని దేశంలో సరఫరా చేయనుంది.

 

పుంగనూరులో జగనన్న ఆశీస్సులతోనే పరిశ్రమలు ఏర్పాటు- జిక్సిన్‌ కంపెనీ కార్యక్రమంలో ఎంపి మిధున్‌రెడ్డి

Tags:Zydus..the first DNA vaccine

Leave a Reply

Your email address will not be published. Required fields are marked *